دينا الخارقة : وأفعال خارقة غير قابلة للتقليد
محمد طه
أجري نبض الوطن حوار صحفيا مع دينا شريف والمعروفة إعلاميا دينا الخارقة والتي تفعل أشياء كثيرة مخالفة لقواعد المنطق مثل اكل السم والزجاج والمشي عليه وشد السيارات وغيرها من الأفعال الغير عقلانية
وجاء نص الحوار كالتالي
إزاي اكتشفتي حضرتك إنك تقدري تاكلي ازاز أو سم أو لحمة غير مطبوخة؟
أول حاجة لاحظتها في نفسي أن بقيت باكل لحمة نية وانا صغيرة من غير اي شخص يعرف ولا حتي مامتي تعرف حاجة
لما أكلتي ازاز أو استيكا مقلقتيش يحصلك مضاعفات أو مرض؟
كنت بخاف أحيانا أبلغ والدتي ان باكل الحاجات دي
مكنتيش بتقلقي من اكل الحاجات دي ؟
لا. مكنتش بخاف بالعكس كانت بنسبالي حاجات ممتعة كنت بكتشف حاجات في نفسي جديدة كان تحدي هشوف نفسي هعمل إيه
فكرة اكل الإزاز جت إزاي؟
جت عن طريق ان كنت بشوف ناس في فيديوهات بتاكل ازاز لكن منفعش اقلدهم فكنت حاسة من جوايا ممكن اعمل زيهم فجربت كدة وقدرت اكله زيهم بس عشان حسيت اني خارقة وليست شخص مقلد
طب لما اكلتي ازاز مكنش في تعب للمعدة؟
روحت كشفت عند دكتور عشان اطمن علي نفسي بس طمني وقال كويسة ومفيش اي أثر لأي ازاز في معدتك
طب ازاي اكتشفتي قدرتك علي شد سياره أو عربيه؟
كنت واقفة مع صديقتي وكنت مسنودة علي عربية لاقيتها بتمشي فطلبت أشد عربية فقدرت أشدها وكدة
فكرة الشانيور ووضعه علي الجسد ك فكرة كانت ازاي؟
كنت مع صديق وجربت شانيور علي ايدي معمليش حاجة ومعورنيش فجربته كتير برضو محصليش حاجه
تحبي تنصحي الجمهور ب أية؟
بنصح اي شخص بيشوفني ميقلدنيش لأن الحاجات دي غير قابلة للتقليد ولا للتجربة
