لكى القرار

إيمان غازى
هذه الرسالة لكل فتاة مقبلة على الزواج ولكل امرأة مبتلاة بزوج لايتق الله فيها..
#لاشئ يجبرك على استمرارك في علاقه مرهقه مش حاسة فيها بأي راحه أو سعادة أو اهتمام أو تفاهم أو احترام أو إخلاص أو تقدير …
علاقه كلها هلك للمشاعر و تضحيات لشخص لايستحق ..
علاقه بتموتك بالبطيء ..
علاقه استمرارك فيها هيضيع منك أجمل سنين في حياتك ..
اللي لو ضاعت من غير ما تحسى فيها بطعم الفرحه الحقيقيه اللي من القلب يا عالم هتحسى بيها تاني امتى.
-كونى جريئة
و انهى أي علاقه مرهقه في حياتك..
حياتك هتعيشيها مره واحدة عشيها مع شخص يستحق ،
شخص يقدر يسعدك و يشعرك بنعم ربنا عليك، شخص صادق و نقي ،
شخص لايخجل من التعبير عن حبه و تقديره لك أمام الجميع .

شخص تحسى معاه أنك أحسن واحدة في الدنيا .
شخص تكبرى وتنجحى به و معه ..
وتحلو بحبه الحياة..
شخص كل حلمه انه يبني معاك بيت يكون سبب في دخولكم الجنه ..
شخص يكون فعلا يستاهلك ..
و لو فقدت الأمل إنك تلاقي الشخص ده .. إياكى أن تدفنى نفسك مع أي شخص والسلام ..
حد يطفي بهجة الدنيا في عينك ويطفى روحك ..
#أما بخصوص المتزوجات ولديهم أطفال
مش معنى كده انك تقبلى وضع مهين فى حياتك وفى نفس الوقت لا يكون الطلاق هو الحل ..
بل اعترضى على كل وضع غلط فى حياتك،كل وضع يسحب منك طاقتك، كل وضع يفقدك نفسك..
بلاش تسكتى علشان تعيشى وخلاص
لازم تقولى كفاية وتجدى حل مناسب يرضيك
اعملى وقفة وقولى كفاية إهانة.
الإسلام كرمك والنبى أوصى بك والزواج مودة ورحمة
أنت تطلبى أبسط حقوقك التى كفلها لك الله ورسوله
ولا ينكرها الإ جاهل أو ظالم .
#إيمان_غازى