سفير آرت للديكور جاليرى متخصص فى انتاج و تصنيع اللوحات الفنية فى مصر منذ عام 1986
سفير آرت للديكور جاليرى متخصص فى انتاج و تصنيع اللوحات الفنية فى مصر منذ عام 1986
البدايه كانت بالاعتماد على الفن التشكيلى لانتاج اعمال فنية مميزه و كان الانتاج بيتم يدويا عن طريق المؤسس الاول ( أ ابراهيم شحاته )
مع تطور الاعمال و دخول التجاره الالكترونيه لمصر و بدايه اندماج الجيل الثانى من العائله فى العمل اللى كان معظمهم مهتم بالفن نظرا لاعمال العائله تم اطلاق سفير ارت الموقع الالكترونى كا اول متجر الكترونى فى مصر متخصص فى اللوحات الفنيه عام 2008
كانت الاعمال حينها متنوعه من لوحات فنيه لتخصصات اخرى كرسم جداريات ديكور داخلى و بدأنا مع الوقت فى ادخال خطوط انتاج اخرى على المنتجات زى الترابيزات الصغيره و الاباجورات و الساعات
و كان تركيزنا انه اى منتج يكون اولا بيخدم الفكره الاولى و هى انه يكون فى الاساس عمل فنى مميز وبعدين منتج ليه وظيفه مفيدة
مع الوقت و تطور رؤيتنا للسوق قررنا اننا نعمل حاجه اسمها العوده للاساس او للاصل و هى اننا نوقف كل اقسام التصنيع و نركز على اللوحات الفنيه اللى هى اساس عمل العائله و سر تميز شغلنا
ده حصل ايضا فى فتره ما بعد الثوره و تعويم الجنيه و تغير الكثير من الظروف داخل البلد
كان على موقع سفير آرت ف الوقت ده حوالى 400 لوحه فنية فقط
لجأنا للتعاقد مع فنانين مصريين و طبعا قبلهم الفنانين اللى من العائله لزياده عدد اللوحات الفنيه المعروضه عشان نقدر نغطى كل الاذواق و انواع الديكورات على سبيل المثال قسمنا اللوحات للعملاء حسب اللون , احمر او ازرق او ذهبى مع اسود عشان العميل لما بيدور على لوحات تليق على الوان الديكور يلاقيها بسهوله بدلا من البحث فى مجموعه من مئات اللوحات
و ايضا حسب النوع يعنى مناظر طبيعيه, اسلامى, فراشات, مدن, رومانسى و هكذا
دى كانت البدايه و لقينا انه احنا كافريق عمل متكامل لو عملنا التصميمات كلها بنفسنا هانحتاج عشرات السنين عشان يكون عندنا مجموعه ضخمه من الاعمال ( اللوحات الفنية ) اللى تناسب كل البيوت و الاماكن التجاريه و الاعمال المختلفه
و من هنا بدأنا نتواصل مع شركات عالمية لانتاج اللوحات الفنيه للحصول على حقوق بيع و توزيع اعمالهم فى مصر و بدايه من عام 2018 كانت اول شركه نحصل على حقوق بيع و توزيع اعمالها
كان على موقعنا فى الوقت ده حوالى 500 لوحه فنيه
