” مها أحمد” تظهر فى بث مباشر ردآ على هجومها على زملائها .. أنا راضية على اللى عملتو

زينب حسين 

قالت الفنانه مها احمد فى بث مباشر على صفحتها عبر الفيس بوك .
بناء على اللى حصلى من بعض الزملاء انا جالى اكتئاب وتعبت جدا وانا مش مطالبه انى ابرر حاجة خالص لأننى واثقه من نفسى جدا. بس انا مازلت بأخد أدوية لحد الآن

فشئ طبيعى لما الالقى حاجه تلفت نظرى وفيها رد اعتبار بالنسبالي انا شخصيا فلازم اعبر عنه على صفحتى

ولا روحت نميت على حد من وراه ولا اتكلمت على حد من وراه
انا كنت صريحة جدا ولا شمتانه ولا عاوزه اشمت فى حد ولا حد يستاهل أن ارتكب ذنب واشمت فيه
ويوم ما هشمت هشمت فى نفسى أن انا احسن من ناس كتير على الساحه

بس انا راضية أن ربنا مراضينى فى حته تانيه أن تلت أعمالى بتطلع على الشاشه مثل فيلم (كلم ماما )(الباشا تلميذ)
وعلى كل الأعمال التى تسعد الناس

انا راضية على اللى انا عملتو عشان رحيت نفسى نفسيا ولاننى مازلت بتعالج من حسرتى من جميع الزملاء

وديما ربنا ديما بيقول ولو بعد حين .وربنا من كتر ماشاف الظلم مابين البشر أعتقد من رحمه ربنا لغى ولو بعد حين عشان يرضى الناس المظلومة

وختمت
انا هفضل زى ماانا واى حاجه هشارككم فيها واللى مش عجبو كلامى مايدخلش يتفرج عليه

https://m.facebook.com/story.php?story_fbid=3019815291632503&id=100008121857699

وكانت الفنانة مها احمد نشرت امس على صفحتها منشور تهاجم فية زمليين لها
وكتبت

كتبت الفنانة مها احمد عبر صفحتها بالفيس بوك:
عوضي على الله دى الجمله اللى دايما بقولها لما اتصدم فاشخاص. الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع اى زميله لهم اقربها انا.
النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتدائه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(ندل)
اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) .يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. ( عوضنا على الله )