شبابك يامصر
كلمات
فتحى عبدالله متولى
شبابك يامصر شهامه وكرامه
عزه وزعامه
شبابك يامصر
حر أصيل
بيجرى فى عروقه حضاره وتاريخ
ألاف السنين
وشارب حنانك
من نهر نيل
بيحرس ترابك ولو مات شهيد
ورافع رياتك أبو الهول وثابت
وقادر يشيل
شبابك يامصر بطل على الحدود
وقوة دراعه تحطم سدود
ولو خط برليف منيع
راح يزيل
شبابك يامصر مثال الشرف
لواء العروبه فى أيده أتعرف
ميراث من جدوده
جيل بعد جيل
فى وسط المحن بيصنع قرار
وطوق النجاه لو وسط نار
بيحيى الأمل
مافيش مستحيل
مثال النضال مثال الكفاح
فى وسط الصعاب ذكاءه السلاح
لو الدنيا مالت
لا يمكن يميل
بيزرع فى أرضك ويحصد نعم
ويوصف جمالك فى شعر ونغم
وساعة الندا
يرد الجميل
مثال التحدى مثال النجاح
ولو كان فى مركب وعاتيه الرياح
يجدف ويوصل
مالهوش مثيل
محامى وقاضى
وأحمد عرابى وأحمد زويل
مدرس مهندس طبيب راح يداوى
ويشفى العليل
مثال الوفاء مثال الأمل
وراسم فى قلبه بدمه العلم
شبابك يامصر
حلم جميل
مثال للسلام مثال للأدب
وثورة يناير تاريخ وأنكتب
شبابك يامصر
حر أصيل
