ساكن الاحلام
الكاتب : احمد عويس
يا ساكن الأحلام..
فين أراضيك..
ما تقول لى ايه زعلك..
عشان أراضيك..
يا ساكن الاحلام..
انا لو قفلت الباب..
تدخل لى احلامك من الشبابيك..!
يا طاقة النور..
نورك مد.. نورنى..
زارنى فى ليلة ود
مد ضياه و نورنى..
طب ليه هويت البعُد
طب فهمنى نورنى..
ندرٍ عليا لو هتزورنى
جوا عينيا لاخبيك..
اقفل بيبانى معاك
يخش هواك..
و يتسرسب..
من الشبابيك!
يا قاطع الود
بتقطع بى.. و توصِل لى..
و إزاى برغم البُعد..
قادر برضو توصَل لى..
و اصون العهد قبل و بعد..
و اضمك لمّا توصل لى..
و أصلك مهما بتزعلنى
لما تجينى بأفرح بيك..
وأقفل بيبانى عليك..
و برضو عينيك..
بتتسرسب
من الشبابيك..!
