ورا كل باب حكايه

مرفت العربى 

أنا حامل وقربت أولد واهلي في محافظة بعيدة جدا معايا طفل متعب ومش واخد علي حد غيري ولما ولدت الطفل الاول رحت عند حماتي اول يوم وبهدلتتي وتعبتني برغم أن أمي جات وكانت بتشغل امي تنضفلها حاجات وتخدم عيالها

 

بحيث امي كانت مشغوله عني خالص وانا امي غلبانه ومبتاخدش بالها ولما لقيت الوضع كده تاني يوم مشيت برغم تعب الجرح وروحت بيتي واخدت امي مرحمتنيش برضه وجات قعدت معانا وسابت بيتها وجوزها العيان وكانت بتعزم عندنا ناس للغداء

 

post

وطبعا مبتعملش حاجة وتيجي تزنق نفسها جنبي في السرير ومتسيبنيش انام حتي لو البيبي نايم وتفضل تنور وتطفي في النور وتفتح وتقفل الباب وجوزي سلبي وبيخاف علي زعلها واخد باله بس مش بيعمل حاجه

 

دلوقتي أنا مش عارفه اسافر واروح عند اهلي برغم أن اكيد كل واحد بيرتاح في بيته اكتر وخاصه ان حمايا توفي وبقت فاضيه اكتر ولو سافرت هسافر في الشهر الأخير

 

والمسافة طويلة كمان البيبي هيتكتب مواليد محافظة تانية ايه رأيكم

زر الذهاب إلى الأعلى