الشاعر سعيد الريان … مصر أهل الكرم والجود

مصر أهل الكرم والجود

مصر اسم في الكتاب موجود

مصر جيش رجوله واسود

وجمال لدنيا يتصدر

مصر قوه تشبه نار

وصدت انجليز وتطار

محروسه من عزيز جبار

ومين علي بلدي يوم يقدر

مصر حضاره يعني تاريخ

وسمعه عدت المريخ

ومش محتاجه لتوضيح

الاسم وحدو بتقدر

مصر للجمال عنوان

وملجئ للغريب ومكان

مصر اسم في القران

وكنز كل يوم يكبر

مصر رمز كل اصيل

ومش محتاجه لتجميل

مصر الحب ام النيل

وشرف مكتوب ومتسطر

مصر جميله ملامحها

باسلامها وبماسحها

وراحه في كل مطارحها

وسحر مش هايتكرر