محمد عنانى..يكتب..وكان العيب

 

وزمان ما كان العيب

إن قَل مال فى الجيب

أو نَقص فى الجلاليب

أو حتى فى المراكيب

أو كُترَه فى الكراكيب

ولا فى بياضه الشِيب

ولا كان حياءنا يعيب

لكن ياناس كان عيب

سوء الأدب دا يِجيب

لصاحبه عار ما يغيب

وَصمَه مايوم له تسيب

لوصوتنا يعلا داعيب

ودموع رجال ونحيب

لو كان فى نار ولهيب

وقت الألام ما تصيب

دا العيب وأكبر عيب

وكان إحترامنا عجيب

ولا كانش بينا غريب

والضيف يجينا حبيب

إن كان غريب وقريب

ما يلاقى غير ترحيب

وكَرم وجُود ما يخيب

والبخل كان فيه عيب