ماجده حسين..تكتب..اوقات صعبه

اوقات صعبه

كتبت ماجده حسين عبد الفتاح

ياه مالي كده مش قادره اقوم من علي السرير منا كنت كويسه لاحول ولا قوه الا بالله حاسه بهزلان ورجلي مش حاسه بيها ليه كده عوزه انده علي ولادي وزوجي مش قادره انده حتي وفجاه اسرح بخيالي واحس ان دي سكرات الموت ايه ده معقول فجاه كده اه ايه المشكله منا بسمع عن موت الفجاه بس انا مقصره لسه في حق ربنا يارب انا كنت بدعيك انك تحسن ختامي وانا عندي حسن ظن بيك انك متقبضش روحي وانا مقصره يارب استرها وبعدين طب وولادي واتخليت لحظه دخولهم عليا وبيكلموني وانا مش عارفه ارد شيفاهم قلقانين عليا والدموع في عيونهم وخوفهم عليا وانا قاعده لاحول ليا ولا قوه

وابدت دموعي تنزل من خوفي عليهم اني هسبهم وخايفه كمان اني خلاص هقابل ربنا وانا مش مستعده ومقصره واقول يارب رجعني بس اعمل صدقه تقربني ليك طب اصلي الفرض اللي سبته وقولت وقت ما اصحي ابقي اصليه وادعي واتوسل لربنا

وفجاه اصحي من النوم

ياه معقول كل ده كان حلم الحمد لله الذي احيانا بعد ان اماتنا واليه النشور

ياه شكرا يارب انك اتدني فرصه اتقرب منك يارب ردني اليك ردا جميلا ولا تقبض روحي الا وانت راضي عنها

انا عارفه اني مقصره وكل تفكري في البيت وشغله اللي مش بيخلص والدنيا وخداني وكل شويه اقول لنفسي خلاص هلتزم ومش هاثر في حق ربنا تاني وارجع اتخلم والدنيا ماشيه بيا وانا مع الاسف في نفس الدوامه

لعله خير يمكن الوقت اللي حلمت فيه ده كان انذار ليا من ربنا لانه عالم بنيتي في التوبه وحبي في رضاه رغم التقصير

 

وافتكرت الايه دي (وَلا تُخْزِنِي يَوْمَ يُبْعَثُونَ * يَوْمَ لَا يَنْفَعُ مَالٌ وَلَا بَنُونَ * إِلَّا مَنْ أَتَى اللَّهَ بِقَلْبٍ سَلِيمٍ}

ربنا يصلح حالي وحالكم يارب ويرزوقنا القلب السليم