القواعد العشرون لجلطة الشرايين التاجية للقلب

حسام النعماني

1.جلطة القلب هي اكتر سبب لتوقف المفاجئ لعضلة القلب ،فماتستهونش بألام الصدر

2.الجلطة قبل ماتحصل بيكون غالبا اتكرر قبلها ألم بالصدر مع المجهود مرة واتنين وطنشت

3.التدخين هو تاني اسوء حاجة ممكن تعملها في حياتك

4.سرعة علاج الجلطة بأدوية السيولة زي الاسبوسيد والبلافكس مهم ولكن لا يغني عن القسطرة العلاجية ودعامة إنقاذ الحياة

5.الضغط الطبيعي اقل من 90/ 140، ارتفاع الضغط المزمن يخليك أكثر عرضه لحدوث جلطة

6.لو طلعلي عفريت وقالي نفسك في ايه؟ هقوله> نخفي مرض السكر من الوجود بكل مضاعفاته..العلاج مهم

7.تاني أغبى حاجة في حياتك انك تبدأ فكرة التدخين

8.مدخن وعندك ضغط أو سكر وجالك الم شديد في منتصف الصدر او نهجان مع أقل مجهود=أزمة قلبية إلي ان يثبت العكس

9.رسم القلب العادي وانزيمات القلب تظهر جلطة القلب الحادة ،فمش هتخسر حاجة لو حسيت بتعب فروحت اقرب مستشفي اطمنت، لكن هتخسر كتير لو كانت جلطة وماتلاحقتش!

10.التدخين هو تاني أخطر حاجة علي بيتك واولادك

11.لازم يكون معاك رقم دكتور قلب ثقة تتواصل معه وقت الأزمات القلبية علشان يوجهك تعمل إيه

12.مطاعم الوجبات السريعة_ زي ماكدونالدز _ لما اتفضحوا انهم سبب رئيسي لزيادة معدل الازمات القلبية عملوا مطعم جديد وسموه HEART ATTACKS

13. البيبيسي والشيبسي والاندومي والشيكولاتة كفيلة تجيبلك السكر والضغط والكولسترول والسمنة وتجمعلك كل دول في جلطة صغيره تخلصك من المأساة دي!!

14. أول اسوء حاجة وأول أغبى حاجة وأول أخطر حاجة >ان تكون السيجارة هي سبب توقف عضلة قلب انسان وفقدان بيته واولاده

15. لسبب ما وجدت لتر بيبسي في تلاجة بيتنا، سلكنا بيها الحوض واستحرمنا نديها لحد يشربها فتضره!. سموم بالسكر

16.انك تبقى انسان مش بيدخن، مش بياكل اكل شارع ، بيتابع ضغطه وسكره، بيمارس القليل من الرياضة، بيتجنب التوتر العصبي>> انت تملك كل عوامل النجاح والراحة لحياتك واسرتك، اشرب شاي بلبن بقي ونام بدري كدة انت برنس

20.الطب بيشيب، لكن سعادة إنقاذ حياة مريض جلطة بالقلب زي اللي في الصورة بتخلينا نكمل، بشعر ابيض اه، بس مبسوط وحياتي لها قيمة