“حلقة جديدة من حلقات مصطبة الفيس”
مصطفي السبع
مايحدث على الساحة الرياضية شيء يزعجني ويشعرني بعدم التفاؤل بالمستقبل.
محمود سليمان ( محمود كهربا) انا بدأت بك لأنني منذ فترة كنت مؤيد جدا لرجوعك عشان مستقبلك لأنك لاعب جيد ومهم جدا اننا نكسب لاعب مثلك من أجل منتخب مصر وليس الأهلي فقط.
قمت بدعمك وانا زملكاوي لأنني أشعر بأنك ضحية بين الأهلي والزمالك
لكن مافعلته بمباراة الزمالك كان غير متوقع منك لقد وفقك الله فى أن ترد اعتبارك أمام العالم كله بملعب المباراة وحققت مالم تكن تحلم به أحرزت هدف وظهرت بمستوى رفيع أثناء المباراة وهذا الرد كان كاف جدا لرد اعتبارك وانا بالرغم انى زملكاوى فرحت لك كثير بعد احرازك للهدف
لكن مابدر منك بعد المباراة وانسياقك وراء بعض الجماهير الغير واعية والتي من الممكن ان تكون سبب لمعاقبتك مرة أخري.
واضح جدا انك بتحب تاخد اللقطة ولا يهمك مستقبلك الكروي ولا يهمك مصر أيضا.
عزيزى محمود كهربا انتى بتنهي حياتك الكروية بنفسك.
راجع نفسك واعتذر عن مابدر منك لجماهير ونادى الزمالك.
سيادة المستشار مرتضي منصور!
صدقني دخولك فى شؤن الكرة أثر كتير على مستوى نادى الزمالك وانشغالك بمحمود الخطيب والنادي الأهلي فجر مشكلة كبيرة مصر كلها فى غني عنها لقد قمت بفتح الفيضان للارض العطشانة نعم المصريين كانوا فى حالهم مهتمين بالمعيشة الصعبة اللى عيشنها بيفكروا فى الأكل والشرب والمستقبل حضرتك فتح المحبس الذى طاح بالجميع واصبحنا مشتتين فى كل الأشياء هل نركز مع مشاكلك الوهميه مع الخطيب ام نركز مع الاعلام الواهم اللى بيحكي حكايات وهميه للشعب أم نركز مع قرارات الحكومة الغير مرضية لكافة الشعب أم التجار الذين فرضوا إتاوات على الشعب المصري.
السوشيال ميديا أصبحت وكر كبير وعميق يتحكم فى مشاعر البشر وأقكارهم أيضاً.
سيادة المستشار وقناة الزمالك والكابتن محمود الخطيب وقناة الأهلي وعمرو أديب وأحمد موسي
كفايه عشان خاطر الشعب
كفاية عشان خاطر مصر
اتركوا مشاكلكم ومصلحتكم الشخصية واقفوا جمب الشعب
الملايين اللى بتدفعوهاعشان فرقعه الأحداث اللى من خلالها ممكن تحصل مجزرة أهلية ياريت تفكروا وتعملوا حاجه بالملايين دى لمصلحة البلد والشعب .
الصناعة عندنا محتاجه تطوير
مصانع كثيرة تم اغلاقها ياريت تتكلموا عنها وتبحثوا عن سبب غلقها وازاى يتم الاستعانة بها مرة أخري.
انظروا للزراعة أين ذهبت وايه سبب الاضرار التي لحقت زراعتنا اللى ليها تاريخ كبير .
انظروا لكل الأشياء التى يعاني منها الشعب وطلعوها للهور عن طريق الوسائل الاعلامية الخاصة بكم .
احنا مش هنفضل سايبين مستقبلنا ومستقبل البلد بيضيع ونحارب بعض ونبتز بعض عشان خاطر محمود كهربا ومرتضى منصور والخطيب وماشبه ذلك من كباتن فى كرة القدم لإعلاميين كل همهم انتشار الفوضي وانتشار العصبية والأموال الطائلة التى يحصلون عليها.
دى رسالتي يمكن فى البداية بعاتب كهربا وعاتبت أيضا مرتضي منصور والأحداث أخذتي للحديث عن السياسة بعض ما لكن هى كلها أمور متعلقة لبعض لأنني رأيت نسبة كبيرة من الشعب تركوا ماهم فيه وركزوا مع احداث كهربا ومرتضي والخطيب والأهلي و الزمالك.
انا عارف ان فيه احداث أخري فى مجالات أخري فيها نفس المشكلة اللى بنعاني منها لكن أحداث الرياضة هى الأكثر
على الساحة حاليا …
