سفير آرت للديكور … نصائح عن شراء تابلوة ومعرفة جودتة

خلينا متفقين على إن التابلوهات فى الأساس وظيفتها هى إضافة جمال للمكان ، فالوظيفة دي هتفقد جزء كبير جدا منها لو اخترت تابلوهات بيتم تركيبها بعلاقات غير مخصصة للأعمال الفنية..

واللى غالباً بتكون قطعة معدنية على شكل مثلث مثلا فى أعلى ظهر التابلوه، وهي دي مشكلتها إنه لما اللوحات بيتم تعليقها مش بتخفي المسمار ولا العلاقة دى وبتفضل ظاهرة أعلى التابلوه، فمهم جدا تعرف طريقة التعليق وتتأكد إنه التعليق هيكون خلف التابلوه بطريقة المسمار ميكونش ظاهر بعد التركيب

مهم جدا تتأكد من تخانة أو سُمك التابلوهات المودرن، لإن متوفر في الأسواق تابلوهات بتبدأ من أول 6 مم وده بيكون خشب متوسط الجودة والمتانه وملصوق عليه ستيكر مطبوع عليه التصميم.
ومشكلة السمك البسيط ده اللى هو من أول (6 أو 8 أو لحد 10 مم) إنه مش مناسب للتابلوهات بسبب إنه بعد التعليق على الحائط مش هيكون مستقيم ومنتظم وغالبا ظهره هيكون منحني بسبب ضعف وقلة تخانة الخشب المستخدم.
وبردو لازم تعرف وتتأكد من طريقة تصنيع الإطار أو الشاسيه الخلفي المصنوع منه التابلوهات، خشب بتخانه على الأقل 15 مم و بتوصل ل 30 مم في التابلوهات الجيدة جدا..

خصوصا لو حجم التابلوه كبير، لإن كل ما الحجم بيكبر بيكون مهم الإطار الخلفى المصنوع منه التابلوه يكون متين ويستحمل الحجم ده بدون إنحناء أو ضعف.