ماجده حسين..تكتب..الحسد

 

معظم الناس في الوقت الحالي بتعاني من حاله نفسيه سيئه وربما تصل الي حاله اكتئاب كتير بنشوف علي السوشيال ميدايا حوادث لشباب وموت فجاه وده بياثر في نفسيه الكثير طبعا الموت له رهبيه وموعظه لنا

ولكن لاحظنا ان معظم حالات الوفاه نجد أن من أحاديث الاهل والاقارب انه حسد

مستندين الي حديث رسول الله (أكثر من يموت من امتي بعد قضاء الله وقدره بالأنفس )

تلاقي الام فرحانه بتخرج ابنها او بنتها من الكليه وتجي واحده تسكتر عليها فرحتها وتحسدها ان بقي ابنها دكتور ولا مهندس ولا ابنها اشتغل شغلانه كويسه ولا بيروح جيم وجسمه جميل ولا بنتها جميله وبيجي ليها عرسان تحقد وتحسد ولاتذكر اسم الله وبعدها بكام يوم يحصل الوفاه وقتها الام في عز حزنها تذكر كلام تلك المراءه او الرجل عن بنتها او ابنها دون ان تذكر اسم الله ويحدث بداخلها كره وتعتقد انه سبب الوفاه

نعلم جميعاً ان الموت حق علي كل انسان ولكل اجل كتاب وتعدد الأسباب والموت واحد

بس. عوزه اوصل كلمه للناس ليه تكون سبب في دمار شخص بحسدك احساسك ايه لما تشوف نظره الام ليك انك حسد ابنها وابنتها وتسببت لهم في مرض او موت ونجد ان معظم الناس اللي بتحسد او تصيب احد بالعين اكثر من يخاف من الحسد طب ليه تتمني زوال النعمه من غيرك فيها ايه لو شفت حاجه عجبتك في حد انك تقول اللهم بارك فيها ايه انك تخليك محبوب بين الناس بدل ما الناس تخاف منك وتكرهك بلاش تكون سبب في اذيه حد وانت بكلمتين ممكن تشيل الاذي ده كلمه اللهم بارك مش متعبه ماشاءالله سهله وبسيطه من ضمن الحوادث اللي سمعتها ان زوجين كانو في منتهي السعاده في شجار بنهم الزوجه قتلت الزوج بالخطاء في حاله عصيبه ودخول الشيطان بنهم وفي حديث الاهل والاقارب عن الزوجه ظهر انهم كانو مركزين اوي في حياتهم وانه كان بيجيب لها كل حاجه وبيفسحها وبيخرجها عينهم دمرت حيات اسره كانت سعيده

في لحظه لاحول ولا قوة الا بالله

نلاقي اسره رايحه تصيف تعمل حادثه وتموت ونعرف بعد كدا انهم نزلو صوره ليهم انهم في الطريق للمصيف

شباب تنزل صور ليها علي الفيس وبعدها يحصل حاجه ليهم علشان كده بنلاقي منشورات كتير بلاش تنزلو صور ليكم ولاولادكم دارو علي نفسكم مش كل الناس بتحب الخير لبعض

من هنا بقول للحاسد اتقي الله وحب لاخيك ما تحبه لنفسك طهر قلبك من الحقد والغل وتمني الخير لغيرك فا انت لاتعلم ماء وراء كل بيت انت فقد تري ماتحب ان تراه لاتعلم ماذا ابتلي الله هذا الشخص من مرض او أحزان تري فقط ضحكته ولا تعلم الألم الذي مر به ليعوضه الله عن هذا الالم بباب رزق اخر ارضي بما قسم الله لك من رزق ولاتنظر لرزق غيرك

ويجب علي المسلم ان يحصن نفسه من الشياطين من مرده الجن والانس بقوه الايمان بالله واعتماده وتوكله عليه ولجئه وضراعته اليه والتعوذات النبويه وكثره قراءه المعوذتين وسوره الإخلاص وفاتحه الكتاب وايه الكرسي ومن التعوذات اعوذ بكلمات الله التامات من شر ما خلق واعوذ بكلمات التامه من غضبه وعقابه ومن شر عباده ومن همزات الشياطين وان يحضرون وقوله تعالي : حسبي الله لا إله إلا هو عليه توكلت وهو رب العرش العظيم)

ونحو ذلك من الادعيه

الحسد مميت الحسد يضيع فرحه ‘ ويضبع صحه ويضيع راحه بال _ فاللهم اكفنا شر كل حاسد وحاقد يارب