طريقة الجمبرى المشوى بالجنزبيل

الشيف ..ايمان بحر

السلام عليكم اذيكم عاملين ايه وحشتونى من خلال وصفتنا انهارده حنقدم لكم الجمبرى المشوى بالجنزبيل بجد خطير تيجوا نشوف الوصفه

المقادير 

********

طبعا الوصفه دى ملهاش مقادير ثابته

١/٢ كيلو من الجمبرى الجامبو

١ كوب كرفس

١ ملعقه كبيره جنزبيل فرش مفروم

٥ فصوص ثوم

٢ ملعقه كبيره زيت

١/٢ ملعقه صغيره ملح او حسب الذوق

١/٤ ملعقه صغيره كمون

طريقة التحضير 

***********

اولا نقوم بتنظيف الجمبرى وقص الارجل

ثانيا نقوم بعمل فاتحه فى ظهر الجمبري بواسطه سكين او مقص

ونزيل كيس الرمل ضرورى ونتركه جانبا

ثالثا نحضر المفرمه او الهون ونضيف الكرفس والثوم والجنزبيل والملح والكمون ونفرمهم جيده ونضيف الزيت عليهم ونقوم بحشو الجمبرى وتتبيله من الخارج ونتركه فى الثلاجه لمده ٢ ساعه وبعد ذلك نخرجه من الثلاجه ونضعه فى اعواد الشيش كما مبين فى الصوره نضع صنيه فى الفرن تسخن و نخرجها وهى ساخنه ونضع عليها الجمبرى وندخلها الفرن لمده ٧ دقائق وتقدم مع سلطه طحينه وصحه وهنا عليكم

دمتم بخير