امتي الست تكره زوجها

مرفت العربى عبد العظيم 

صفات تكرها المرأة و بتموت الحب

١- العند
اللي هو هعمل عكس اللي قولتيه وخلاص و كأن الراجل داخل معاها حرب
و ان لازم كلامه يبقي عكسها و خلاص

٢-الاتكال
الست مش عايزه راجل معتمد عليها اعتماد كُلي
هي اللي بتشتغل و بتصرف و بتروح و تيجي
بتفقد احساس الأمان اللي محتاجه تحس بيه في وجود راجل بيحميها و عارف يتصرف عند اي مشكله
٣- الغيره المُفرطه
اللي بسبب و من غير سبب و بتتحول لشك و بتخلي الست مش عارفه اتحرك و علطول خايفه من اي تصرف ممكن هي تعمله بتلقائية ف بتفقد شخصيتها جزء جزء و بتخاف من كل تصرف بتعمله

٤- الانتقادات
كل حاجه مطلع فيها عيب و مشكله
و علطول ف انتقاد و في تقليل من شأن الست
و مهما الست عملت مفيش كلمه شُكر او تسلم ايدك
٥- القسوه
الراجل اللي قلبه جامد اللي مبيعرفش يقول كلام حلو و يظهر حنيته مع مراته
ده بيموت الحب و الموده اللي بينهم و الست بيبقي عندها احتياج عاطفي غير مُلبي و في حالات كتير بنلاقي الست بتطلب الطلاق عشان مش لاقيه من جوزها حنيه
هي بس عايزه حضن كلمه حلوه طبطبة من غير كلام

٦- البخيل
البُخل المادي ف الفلوس
و البخل المعنوي ف المشاعر و الاحاسيس الاتنين صفات صعبه الست بتكره جوزها و حياتها لو لقت الصفات دي
٧- المُسيطر
من غير حكمه و لا عقلانيه
انا كلمتي اللي هتمشي و خلاص انا الراجل اعمل اللي انا عايزه
كل قراراته من غير نقاش و مينفعش الست تتكلم فيها

٨- المقارنة
اللي علطول عامل مقارنه بين مراته و الستات التانيه او بين عياله و العيال التانيه
و معندوش رضي بحاله و شايف ان كل الناس اللي حواليه احسن منو و اكثر سعاده و ان السبب في ده ان الست مقصره دائما ف حاجه
ف يفضل يقول شوفتي فلانه و علانه
و بيعملوا ايه و بيروحوا فين ده بيخلي الست شايفه نفسها قليله اوي و ان مهما عَملت في مُقارنه هتحصل و هتحس انها الطرف الاقل في المقارنه دي
٩- الاهمال
عدم اهتمام الزوج ب زوجته بيكسر الست من جوه و بيحسسها ان ملهاش لازمه عنده و بيموت الحب ف قلبها