الله يرحم ايام زمان ..على اللى عدى واللى كان
كتبت /مرفت العربي
كان فيه محبه كان فيه امان
ناس كانوا طيبين
على الفطره كانوا عايشين
الناس صحيح كانت فقيره
بس قلوبها كانت سليمه
ميعرفوش يعنى ايه حقد ولا غيره
زمن عدى وفات
ومش هيرجع تانى
كان فيه شويه حاجات
مش موجوده فى زمانى
ديه حقيقه مش خيال
ماكنش فيه شئ محال
سبحان مغير الاحوال
زمن كان جميل
بالبرهان والدليل
القلوب كانت على بعضها بتميل
زمن كان بيشفى العليل
من سؤال الصغير على الكبير
زمن ماكنش فيه قسوه
عارفين ان الدنيا ولا تسوى
بقينا عايشين فى غابه
بنأكل فى بعض زيه الديابه
عدى وفات زمن الغلابه
الله يرحم ايام زمان
على اللى عدى واللى كان
