دنيا بينا تدور

بقلم محمد عناني

والدنيا بينا تدور

اللي سكن في قصور

حواليها عالي السور

وبجاهه كان مبهور

وبعزوه ساد مغرور

واللي بظلم وجور

جمع في مال بالزور

وما بين ظلامها ونور

اللي عايش فى جحور

أواللي بات مقهور

على غُلبه كان مجبور

وحلمه مات مبتور

واللي عايش مستور

ويا رِضاه مسرور

ما هي دنيا بينا تدور

بالخير وفيها شرور

وعجيبه فيها أمور

بنعيش سنين وشهور

نبني بآمالنا جسور

نزرع ونروي زهور

لنهايه فيها القبور

حتما قدر مقدور

مهما حياتنا تدور