ليل الصبر

بقلم شاكر محمد المدهون

ياليل الصبر ليه تقسى على حبايبك
مل الليل عيون صاحية مابتغمض
ولا نسمة فرح زايرة فيها دموع بتعيط
ولا كلمة تمسح دموع تصرخ
في نور الصبح المش أبيض
ياليل الصبر خطواتك كثير ونية
جبال من الحزن تقهرنا كل ثانية
ثواني ساعات قد العمر مش ثانية
ولا حتى العمر يقدر يعود صافي
ولا الليل يقدر يسيب عتمته ثانية
في صبح الصبر مفيش شمس تدفينا
بحور الصبر مراكبها رايحة ومش جاية
في أوطانا البسمة تتدارى مكسوفة
والضحكة ماتت بقالها سنين منسية
أيه يعني بلاد راحت ملايين ماتت
سنين مرت على وعود منسية
ياليل الصبر عمرك عمر أحزانا
صحيح الحزن كان قبلك جوا هموم
في جراح كبيرة متدارية
أهل الصبر من زمان قالوا
موج الصبر في بحوره دوامة
موجة صبر رايحة وموجة ندم جاية
كثير قالوا في الأمثال عنك
صبر أيوب صبرنا زاد عنه
لا العمر انتهى ولا الصبر قادر
يشيل الحزن بمراكبه
ياليل الصبر ليه تقسى على حبايبك
——————————————–
شاكر محمد المدهون