أهلا ً رمضان
إيڤيلين موريس
وبكره راجع لنا صوت طبلتك
وصوت مدفع الإفطار يدعينا علي مايدتك
راجعه لمه الحبايب علي سفرتك
متجمعين بقلب واحد علي أسمك ومحبتك
بكره شهر الصوم أهو جاي
وصوت الصلاه راح يعلي ويملا الجو
تعمر القلوب بالتقوي
تشبع فرح وسرور ومسره
م الفجر ولحد ما نمسي
صوم وصلاة يملا القاره
وأطفال بإسمك بتهني
بفانوسها فرحانه بتغني
وع السفره بتسبق وتسمي
وبقمر الدين بعد الأكل تحلي
حلو ياحلو رمضان كريم ياحلو
يا عشاق رمضان هلو
كل سنه وأنتم طيبين
