حاجات اتعلمتها لما كبرت

نبض الوطن

١- المية الساقعه اوووي او السخنة اوووي هتدمر حاجز بشرتك وهتسببلك ف ظهور تجاعيد اسرع لانها بتكسر الكولاجين او الايلاستين او كل مكونات البشرة المكونه من بروتينات ف هتعملي ترهلات ومنظر بشرة غير مشدودة
.
٢- لازم متفوتش يوم غير وانت شارب ميه ع الاقل ٢-٣ لتر ف اليوم او اكتر علي حسب وزنك .
.
٣- متشتريش اي منتج حتي لو المعلن قال انه خارق … لازم تكونوا متاكدين من جودة الشركة وصدق المعلن ومعروف عنه انه مش بيعمل اي اعلان وخلاص عشان الفلوس اختاروا الناس اللي بتتابعوها كويس .
.
٤- الليمون والخيار والجبنه دول تاكليها ع العشا مينفعش يتحطوا ع بشرتك الوصفات الطبيعية دي لمعدتك مش لبشرتك
.
٥- الكربوناتو او البيكنج بودر تتحط ف الكيكة متسنفريش بيها بشرتك او المناطق الحساسة .
.
٦- السكر تحطيه ع الشاي او القهوة مش تعملي بيه سنفرة لبشرتك لانه هيجرحها وهيسبب ف حساسية رهيبة .
.
٧- التركيبات الصيدليات ذي الخلطة الثلاثية .. حساهم بيعملوا اعلان لبريل بالقوة الثلاثية البشرة الطف من القوة دي حرام تهلكي بشرتك .
.
٨- الراحة النفسية من اقوي وافضل الموثرات الجميلة للجسم والبشرة .
.
٩-اياكي تستعملي كريم جارتك قالتلك عليه منك لنفسك اسالي الطبيب هل مناسب معاكي واللا لا ؟ وايه انسب طريقة لاستخدامه الصحيحة ، لان اللي ينفع ليها مش هينفع ليكي للاسف .
.
١٠- الاكل الصحي بيعالج نص مشاكل بشرتك لو مكنش كلها ف اهتموا بتاكلوا ايه ومتنسوش المية