في البدايات
متابعه /أمنية عادل
بقلم /حسن الفرحاتي
في البدايات
كان مالسهل اكون مشتاق
في البدايات
كان من السهل اكون مشتاق
لكل شئ بس بأخلاق
لريحه مطر ومسكه ايد
وحبيبه تشاورلي من بعيد
بعد م ربطتلي الكرافته
ومن الشباك تهديني ورده
وتحافظ علي بيتي في غيابي
متكُنش عاوزه مستوي بابي
وتعيش معايا بكل سرور
متكنش عايزه تلف وتدور
وتكون لحبي مسلْمه
متكنش عاشقه للفلوس
تحتاجني تدعك في الفانوس
متكونش كيفة حوارات
نكد وتحفظلي اسطوانات
كل دا كان في البدايات
دلوقتي الاشتياق مات
بتحب جهز شوال فلوس
في الشغل علي نفسك هتدوس
اهنات هتستحمل مالغير
والاشتياق لشركه كبيره
دلوقتي عاطل مش لاقي شغل
حلمك زمان ڤيلا وعربيه
دلوقتي حلمك لو حتي اوضه
نفسك تكون زي الشباب
تلبس هدومك عالموضه
فاكر زمان في وسط اهلك
فاكر زمان اقصي مشاكلك
فاكر زمان لما بكيت
حلمك تكبر وتبعد بعيد
اديك كبرت وريني نفسك
اشتاقت للماضي ولطفولتك
والاشتياق جواك مات
كانت زمان دي البدايات
دلوقتي عيش عيشه النهايات
