مشكلة عضوة

مها فتحي

لي بنت وقت الطلاق كانت ١٠ سنوات اختارت والدها لان طنط اللي ابوها اتجوزها
ف بيتي وعلي عفشي وقت ما غضبت وروحت لاهلي لانه ضربني ضرب مبرح علشان نسيت احط فيشه التلاجه بعد ما مسحت الارض وكل خزين الشهر باظ واترمي وطبعا كانت تلكيكه وانا مش فاهمه
بتجيب لها موبايل وتوديها الملاهي ومتخليهاش تذاكر ودخلها النت
بوست رجلها تعيش معايه رفضت
اتجوزت وبعد ما اتجوزت بكام شهر بدات تشتكي من مرات ابوها
اخدتها تعيش معايه ابوها رفض
واخدها من المدرسه وضربها بالحزام
واتصل بيه قالي بنتي مش تعيش مع راجل مين يضمن لي انه ميتحرش بيها
عاوزه تاخديها اطلقي
في الزياره مش بتحضني ولا تبوسني
تاكول اوتشرب او لو هنشترى حاجه تاخودها
لكن صامته ومبتفتحش بؤها غير كلمه رمتيني
قلتلها نروح لدكتور نفسي وانا راضيه بحكمه
رفضت
طيب نروح نحفظ قران
رفضت
جوزى حنيين اوى ومحترم جدااا وبيديني فلوس اخرجها واشترى لها كل اللي نفسها فيه
وعوضني عن ابوها ال مبعرفش غير الاهانه
انهارده بنتي شربت برشام
كنت معاها
ولما روحت باخود مسكن ملقتش الشريط
كلمت ابوها دور ف الزباله وجد الشريط فاضي
اخدته من شنطتي ف الكافيه
جرينا ع المستشفي وربنا ستر
واحنا ف طريقنا ف المستشفي ابوها قطعها بالاقلام ع وشها ويقولها يا فاجره
وباردو رافض يعطيني البنت
جوزى قالي شوفي اي حل وانا راضي اصرف عليها
هي الان ١٢ سنه وانا ماجله موضوع الخلفه بسببها وربنا هيحاسبني لانه نفسه يخلف مسبقش له الجواز
طلبت من امي تاخودها رفضت
اختي ؟؟؟قالت لي عندى شاب واخاف
انا تعبانه اوى اوى ليل نهار ببكي وخايفه
المره دى لحقناها ولو مجانيش صداع مكنتش اكتشفت وكانت راحت مني
بفسح واجيب هدايه واديها فلوس ومش عاجب عاوزه تعيش معايه
بشوفها بالتلت مرات
والعند ماسكها
صاحبت مرات ابوها لكن مرات ابوها رفضت الصحوبيه وطردتني امام بنتي وقالت لي انت عاوزه تعمليني كوبرى علشان ترجعي
قلتلها ده انا بكره كره العمي
اعمل ايه حياتي سودا