الكفته الرز الجملي في البيت
الاء مجاهد
مقادير كيلو لحمه جملي للكفته الرز :
كيلو لحمه جملي مفرومه وشين
نص كيلو رز
الخضره : جزمة كسبره خضرا كبيره نص حزمة شبت
التوابل:
معلقه صغيره ملح ممسوحه
نص معلقه صغيره فلفل اسود
معلقه كبيره نعناع ناشف
معلقه كبيره بهارات
نص معلقه صغيره ورق لورا وحبهان
عدد ٢ مكعب مرقه
اقل من ربع معلقه صغيره كربوناتو
٢ فلفل احمر رومي او حامي حسب الرغبه
٢ عدد بصل وسط
راس توم مقشر
الخطوات:
بالنسبه للرز يكون مغسول وناشف قبل الاستخدام يومين
وبعدين بتطحنيه في مطحنة التوابل
او هتشتري كيس دقيق رز وتاخدي منه الكميه اللي هتحتاجيها
هتحطي كل المكونات علي بعضها اللحمه والرز والتوابل والبصل والخضره وتقلبيهم كويس وهتشغلي الكبه وتحطي جزء جزء يتفرم هتعيدي الخطوات دي مرتين او تلاته
وانتي شغاله في الكفته وبتلميها من الكبه بلي ايدك ميه هتلم معاكي بعد ما تخلصي خالص هتحطيها في التلاجه ترتاح خالص بس تكون متغطيه كويس وبعدين تطلعيها وتصبعيها وممكن تحطيها في اطباق وتشليها في الفريزر
وبألف هنا
ملحوظه: طبعا لو هتعملي نص لحمه هتقسمي المكونات والتوابل والرز
الصلصه: حله فيها زبده وزيت او معلقة سمنه بلدي كبيره وننزل بتوم مفروم ناعم يبقي لونه دهبي ننزل بعصير الطماطم وملح بسيط وفلفل اسود ونص مكعب مرقه
ممكن نضيف مكعبات بطاطس مع الكفته وممكن لا حسب الرغبه ( عملت الطريقتين )
لحوم_مو
