طربقه لى عمل قدرة قادر

مرفت العربى عبد العظيم 

المقادير :

الطبقه الاولي :
صوص الكراميل :
كوب الا ربع سكر
٣ معالق كبار ماء
الطريقه:
ننزل بالميه و السكر في طاسه و الاحسن لو لونها فاتح عشان نتحكم في لون الكراميل و اول لما ياخد لون دهبي يبقي كده تنام ننزل بيه علطول في الصينيه اللي هنعمل فيها الكيكه عشان بيجمد علطول و نوزعو كويس في الصينيه

الطبقه التانيه :
٣ باكيت كريم كراميل
٣ كوب لبن
ربع كوب لبن بودره ( اختياري )
علبه قشطه ( اختياري )
الطريقه:
في حله هنزل باللبن و عليه الكريم كراميل و اللبن البودره و ادوبهم كويس و بعدين انزل بالقشطه و اخلط كل ده مع بعض و بعدين ارفعهم علي النار لحد لما يبدأ يغلي كده يبقي تمام انزل بيه و هو سخن علي طبقه الكراميل و انا بحط مصفاة علشان لو في اي كتل و اسيبه بقي لحد لما اعمل طبقه الكيكه بيبقي عمل زي قشره كده و يبقي تمام اني انزل بيه بطبقه الكيكه

الطبقه التالته :
٢ بيضه
كوب الا ربع سكر
معلقه صغيره فانيليا
نص كوب لبن
نص كوب زيت
٣ معالق كبار كاكاو خام
كوب دقيق
معلقه كبيره بيكنج بودر
معلقه صغيره قهوه سريعه الذوبان
ربع كوب ماء ساخن

الطريقه :
في الخلاط هنزل بالبيض و السكر و الفانيلا و اخليهم كويس لحد لما يبقي لونهم فاتح بعدين انزل بالزيت و اللبن و ادوب النسكافيه في الميه السخنه و اسيبه يهدي شويه و بعدين انزل بيه و اخلط كل ده مع بعض و آخر حاجه هنزل بيها الدقيق و البيكنج بودر و بعدين انزل بيها علي الكريم كراميل و اجيب صنيه اكبر من الصينيه اللي عملنا فيها الكيكه و يكون فيها ميه سخنه و بحط معلقه خل لو صينيه المونيوم عشان لونها ميغيرش و احط الصينيه بتاعه الكيكه و الميه توصل لنص الصينيه و ندخلها فرن سخن علي ١٨٠ لمده ٤٥ ل ٥٠ دقيقه و ابدا اختبر الكيكه لو دخلت عود خشب و مطلعش حاجه يبقي استوت و كده تمام و اسبها في التلاجه بقي ٤ ساعات او من بليل و بعدين ساعه التقديم اجيب شويه ميه سخنه و احط الصينيه مجرد ما احس ان الكيكه بدءات تتحرك كده يبقي كده تمام اقلبها بقي و ناكل اكل كيكه في الدنيا و باسهل طريقه