الشربات بيسكر منك خفيف مبينجحش مبتعرفيش تظبطيه

جني ياسر رفاعى 

طب امشي ع الطريقه دي بالظبط وهو هينجح معاكي من اول مره وعمرك ماهتشتكي منه تاني

اولا لازم تبقي فاهمه ان القوام انتي اللي بتحدديه هديكي مقادير القوام المتوسط لان ده اللي بيناسب معظم الحلويات الشرقيه

كوبين سكر

كوب ونص ماء

نص ليمونه

معلقه كبيره مليانه من عسل الجلوكوز

فانيليا

هتحطي السكر والمايه علي بعض من غير ما تلمسيهم اطلاقا وارفعيهم علي النار اول ما السكر يدوب تماما في المرحله دي انزلي بعصير نص الليمونه واحسبي علي تليفونك بالظبط سبع دقايق بالظبط ضيفي معلقة عسل الجولكوز واطفي وضيفي اي منكهات تحبيها زي الفانيليا او رشة قرفه وفي المرحله دي تقدري تقلبي عادي وانتي متطمنه لكن طول المراحل اللي فاتت متفكريش تحطي معلقه فيه ولا تلمسيه نهائي

ممكن تحطي عود قرفه بعد السكر ما يدوب وسبيه يبرد وشليه يسقع في التلاجه عشان تستخدميه ساقع

 

 

طيب انا عاوزه اعمل كيلو سكر مره واحده واشيله وده الافضل وانصحك بيه بصراحه

 

كيلو السكر بياخد ٣ كوب ماء وعصير ليمونه كامله وبنفس الطريقه بس هنسيبه عشر دقايق ع النار بعد عصر الليمونه وقت اطول يعني لان الكميه اكبر ونضيف عليه معلقتين كبار مليانين او تلات معالق من عسل الجولوكوز

 

طيب شربات البسبوسه بيتعمل ازاي

كوب سكر عليه كوب وتلت مايه ونرفعه ع النار ونسيبه ياخد غلوتين منستعجلش عليه ومنسبوش كتير برضه

نضيف عليه معلقه كبيره مليانه من عسل الجولوكوز وفانيليا ونقلب ونطفي

شربات البسبوسه بيكون سخن والبسبوسه سخنه

الاتنين سخنين عشان تدوب وتبقي زي بتاعة المحلات

 

الشربات التقيل مقداره كوب سكر وكوب مايه ونص ليمونه ومعلقه كبيره عسل جلوكوز وهتعمليه بنفس طريقة الشربات المتوسط الفرق بس في المقدار مش اكتر

 

ايه لازمة عسل الجولوكوز وهل هو ضروري ؟؟

اه هو ضروري وفايدته انه اولا بيضمنلك مليون في المايه السكر لو قعد سنه مش هيسكر منك تخيلي تقدري تحتفظي بيه من السنه للسنه بدون ما يسكر او يجراله اي حاجه

 

وكمان بيعمل علي ماده حافظه علي الحلويات نفسها بيخليها تعد مده اطول من غير ما تبوظ وطبعا كل ما زودتي كميته كل ما اشتغلت فايدته اكتر واكتر بس احنا مش محتاجين نزود اوي المحلات بتزود كميته عشان يوزن طبعا معاهم ويبيعو اكتر

معنا كل سهل ومفيد

كون عضو نشيط وشارك الوصفات ليستفيد منها الجميع الدال على