الجاتوه
شهد ياسر رفاعى
المقادير:
كوب ونص دقيق
٤ بيضات
كوب الاربع لبن
نص كوب زيت
كوب الاربع سكر
١م ك خل ابيض
٢ م ك كريم شانتيه
٢ م ك لبن بودر
فانيليا ورشه ملح
كيس بيكنج بودر
مقاس الصينيه ٣٠ في ٤٠
الطريقه:
في الخلاط نضرب البيض والفانيليا واللبن والزيت والكريم شانتيه والخل واللبن البودر والسكر
وننزل بالخليط ده على الدقيق المنخول بالبيكنج بودر ورشه الملح ونخلطهم في اتجاه واحد بمضرب السلك
صينيه وعليها ورقه زبده مدهونه زيت وننزل بالخليط ف الصينيه
ويدخل فرن سخن على درجه حراره ١٨٠ هياخد ١٥ دقيقه
خله ف النص لو طلعت نضيفه يبقي كده استوي
ورقه زبده ونحطها على وش الكيك ونقلبه على الرخامه هنشيل الورقه اللي من تحت وبعدين هنقسم الكيك لنصين متساويين وهنحط كريم شانتيه في نص ونقفل عليه بالنص التاني
وعلى الوش باقي كريم شانتيه وهتساويه بسكينه براحه عشان يبقي حلو واي زيادات تطلع في السكينه بنمسحها بمنديل ونفضل نعمل كده لحد مالسطح يتساوي وبعدين هنجيب شوكه ونعمل خطوط عليه عشان يديكي شكل حلو من الوش
وبعدين تقطعيه قطع متساويه يعني كل قطعه ٤ سم هيطلعو ٦ فطع جاتو
وبعدين تزينيه بقا بالشكل اللي تحبيه اي فاكهة تحبيها او
شوكلاته مبشورة ونقدم
وبالهنا والشفا
الكريم شانتيه
كوب كريم شانتيه خام
كوب ماء متلج
٢ م ك سكر بودر
ونضربهم بمضرب الكهربا لحد مايدينا قوام الكريمة
