مرفت العربى. تكتب..الباعك بيعوه

اللى باعك بيعه
وإكسب فيه كمان
اللى تهون عليه
ندل ومالوش أمان
وإن ماسمعتش كلامى
هيبيعك كمان وكمان
مدام مستفيد منك
تشوفه حبيب وكله حنان
وتسمع منه كلام ناعم
أنعم من جلد الثعبان
وفى لحظة الغدر يبيعك
المهم يخسرك وهو كسبان
اللى زى ده ماتزعلش عليه
وإن جالك إقفل فى وشه البيبان
وإدى سرك للى يصونك
وماتصحبش غير الجدعان
المعيشة مش ناقصة خداع
ولا ناقصة ضحك على الأذقان
إحنا فى زمن محتاج ولاد الأصول
نواجه سوى غدر الزمان
محتاجين إطمئنان وراحة بال
محتاجين نعيش بقى فى أمان
الى يبيعك بيعه وإنساه
وإرميه فى مزبلة الزمان
بدل ماتعيش معاه غفلان
بيعه ببلاش وانت الكسبان