المقلوب التونسي :

شهد ياسر رفاعى 

المكونات :

العجينة:

_2 كيسان حليب دافئ.

_1 مغرف كبيرة خميرة خبز.

_1 م ك سكر .

_1 مغرف صغيرة ملح .

_نصف كاس زيت .

_فرينة الطحين الابيض المقدار تاعها حسب نوعيتها .

 

الحشو :

_صدر دجاج

_ 1 بصل متوسط الحجم .

_2 حبات طماطم .

_2 حبات جزر .

_2حبات قرع (جريوات ).

_فلفل حار اخضر على قد ماتبغي.

_القليل من الثوم .

_الملح حسب الحاجة .

_مايونيز .

_هريسة .

_توابل (رشة فلفل اسود فلفل احمر وفلفل حار شوي راس الحانوت ).

_1مغرف طماطم مصبرة.

_بطاطا اختيارية اذا حبيتي يجي الحشو بزاف .

صلصة الجبن :

‏مغرف فرينة طحين ومغرف زبدة تخلطيهم على نار هادية وتضيفي ليهم كاس حليب بتدريج وتضيفي زوج مثلثات جبن فرماج اذا جاتك عاقدة بزاف زيديلها الحليب شوي برك .

 

صلصة المايونيز :

هريسة +مايونيز وخلطيهم مع بعض وضيفي ليهم القليل من الصلصة لي درتيها .

 

الطريقة :

تجيبي الحليب الدافئ في صحن كبير تحطي معاه الخميرة والسكر وتخلطيهم مليح حتى يبداو بالذوبان تحطي فوقهم الزيت وتبداي تحطي الفرينة ومعها الملح وتخلطي حتى تولي عجينة متماسكة تولي ماهيش مرخوفة يعني عجينة طرية وماهيش قاسية بزاف نص نص يعني .

تقسمي العجينة لدوائر كل دائرة قد قبضة يدك .تحليهم بالحلال حتى تولي رقيقة مع الزيت وتحطي فوق مقلاة متلصقش وتطيبيها نص طياب يعني جيست تحكم روحها وتبدا تتنفخ تقلبيها لجهة الاخرى بنفس الشي وتحطيهم بجيهة .

 

طريقة الحشو :

الجاج تقليل وحدو في زيت وملح مع رشة فلفل اسود .

وتجيبي البصل والفلفل الاخضر فوق الزيت حتى يذبالو تحطي فوقهم طماطم وتزيدي فوقهم الجزر مسكرفج هوا والقرع (الجريوات) وتظيفي الملح وتحطي فوقهم لجاج وتخلي اللاصوص حتى يعقد ويشد روحو وتحطيه بجيهة

.

تجيبي الدوائر الي طيبتها نصفها تحطي فيها صلصة الجبن وتدهنيها بيه وتديري فوقو صلصة المايونيز

وفي النصف لاخر الحشو الي طيبتيه وتقلبيها  كما هكا وتحطيها فوق المقلاة وتخليها تحمار على الجيهتين كما في الصورة وكي تزيدي ديري فيها مايونيز بعد الطياب تجي تهبل .