ماجده حسين..تكتب..بيوت الناس

 

مع إنتشار وسائل التواصل الاجتماعي اصبحنا علي علم اكثر بما يحدث من مشاكل الأشخاص الحياتيه بعض الأشخاص يحصل ليهم مشاكل يقومو بعرضها علي صفحات الفيس بوك سوف اعرض لكم ملخص منها

ام تحرض ابنتها علي ان تكره سلفتها وتعمل ليها عمل بعدم الخلفه وذلك خوفا ان سلفتها يحبوها في البيت ويفضولها علي بنتها

ايه الحقد والغل ده كله احساسك ايه وانتي شايفه حد بيتالم بسببك طب مش خايفه من عذاب ربنا هو حد يضمن عمره لحظه

فيها ايه انك بدل ماتزرعي في بنتك الحقد والغيره تجاه سلفتها تزرعي الحب بينهم تقولي ليها اعتبريها اختك انتم الاتنين في بيت واحد انتم اقرب لبعض وقت ما وحده تتعب فيكم انتم ونس لبعض وقت ما تبقو فاضين تقعدو مع بعض بلاش تقفو لبعض علي الوحده

 

وحده جوزها كويس معاها ومع اهلها ربنا وسع عليه حب يبقي بار با ابوه قال اجبله شقه إيجار جمبي وحد يخدمه الزوجه تقول لاء فلوسك احنا اولي بيها

يعني انه يخلي باله من ابوه يبقي بيضيع فلوسه وانتي اولي ولما يروح بزياره لاهلك ويبات عندهم عادي وحلو

متعرفيش ان الخير اللي هو فيه ده ربنا بعته ليه علشان بره باابوه وصله رحمه

ام بتقول ابني اتجوز وحده غلط معاها وجبها عاشت معانا وانابعمل شغل البيت وانامريضه ولما اقوله انا يابني اللي بخدم مراتك وابنها يشتمني شتيمه قذره علشان يرضيها

طب انتي كا ام دلعتي ابنك زياده عن اللزوم علشان وحيد لو ربتيه كويس وعرفيته الدين بتاعه مكنش عمل حاجه حرام تغضب ربنا لو عرف دينه صح كان هبقي ولد صالح مش عاق يهين امه انتي شايفه انه بيهينك اطرديه من بيتك خليه يسكن برا هو وزجته ويتحمل اعباء الحياه يمكن لما يبعد يعرف قيمتك ساعديه انه يبقي ليه سكن لوحده لو مش قادر وادعي ليه بالهدايه بس متسكتيش علي اهانته ليكي هتجي مره تزعلي منه تقومي مريضه مش هتلاقي اللي يخدمك

 

وحده فرحانه ان ربنا رزقها ببنت علشان معاها اولاد جابت ليها العاب كتير وكل اللي نفسها فيه

سلفتها تحقد عليها وتحسدها وتقول ليها انتي عماله تجيبي لبنتك كل حاجه تعوزها ايه كل ده وتفضل تعد عليها كل حاجه بنظره حقد وحسد لحد ما البنت تتعب بمرض خبيث وتقضي معظم وقتها في المستشفى لحد ما الطفله ماتت

ونلاقي السلفه دي اول من عيط علي وفاه البنت ليه تسكتري علي الناس رزقهم وفرحتهم

انتي كمان هجي اللي يبص ليكي ودوقي نفس الالم

 

ولا السلفه اللي تبقي في الوش طيبه وتجي تقعد مع حماتها تسخنها علي اللي في البيت دي تتسمي حريقه هانم صعبان عليها البيت يبقي مافيش مشاكل تعمل ايه تفضل تسخن هنا وهنا وتقعد تتفرج علي المشاكل

 

والحما اللي تفضل تعاير مرات ابنها ان الجهاز اللي اهلها جابوه مش حلو ورخيص

ياستي انتي مالك دي حاجتها هي اللي هتستخدمها انتي تعرفي ظروف اهلها ايه يعني ابوها يسرق علشان يجوز بنته اي حد في الدنيا بيبقي نفسه يجيب لبنته احلي حاجه وبعدين انتي اكيد قبل ماتدخلي بيتهم عارفه ظروفهم يبقي ليه بقي التقطيم والغلط في الناس ماتكسبي حب مرات ابنك علشان تخدمك وقت تعبك بكل حب وتراضي كاانك امها

 

خلاصه الكلام اتقي الله في تصرفاتك سواء انتي ام او زوجه ابن او سلفه وافتكري أنه كما تدين تدان وكله سلف ودين