سيبوا الناس فى حالها

بقلم:سيد عبد اللطيف

 

حياة الناس اللي قدامنا مش دايمًا بتكون هي الحقيقة فيه حاجات مستخبية..

كل واحد بيحاول يداري حزنه ووجعه وألمه عشان يعرف يكمل..

عشان الحياة محتاجة حد قوي..

عشان الناس ملهاش ذنب إنها تتعب وتشوفنا تعبانين..

عشان في حاجات في الحياة مينفعش تستنى.. وفي حاجات لازم نعملها.. وعشان دايرة الحياة هتفضل مكملة حتى لو كنا واقفين..

أوقات كتير أوي الواحد بيضغط عل نفسه بدل المرة ألف مره عشان بس يقوم من السرير ويكمل..

أوقات كتير الواحد بيكون مش قادر ويائس بس بيقول معلش واحدة واحدة..

وتيجي إنت بكلمة واحدة تهدله كل حاجة..

عشان إنت شايف إن اللي قدامك لازم يكمل حياته بالشكل اللي إنت شايفه مناسب ليك.. مع إن هو اللي شايل حياته وشايل شيلته كلها..

 

أرجوكم حاولوا تكونوا رحيمين مع الناس..

حتى ولو بينكم وبين نفسكم..

وسيبوا الناس في حالها.. بحلوها وبمرها.. عشان تفاصيل الكباية كلها إنت لا يمكن تعرف عنها حاجة….