مشكلة عضوة

مها فتحي 

لكلا منا حياتة بداخلها لحظات فرح ولحظات حزن وفيها نتاج ما مررنا بية لسنوات

نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى

بداية المشكلة.

تعملي ايه لو مكان صاحبة المشكله…

انا متجوزة من ٧ سنين و الحمد لله على قدر عالى من الجمال وأخلاق وجوزى كان كويس معايا جدا وربنا رزقنا ب٣ اطفال والحياة كانت وردى لحد مجوزى اتهف فى دماغه وعايز يتجوز عملت كل حاجه سبت البيت ودخلت ناس كبار من عيلته مكبرش لحد وراح اتجوز طلبت الطلاق رافض يطلق ويقولى انا متمسك بيكي و الكلام ده فى اول جوازة قلتله تعالى خد عيالك جه خدهم فى ساعتها ولما رجعت طلبتهم كان رافض يرجعهم لولا دخلت ناس وخربت الدنيا فرجعهم طلع كان متوقع اعمل كده وعامل حسابه و متفق مع الهانم.

 

هو دلوقتى كل يومين يجي البيت يحاول يراضيني ويرجعنى وانه عايزنى وبيحبنى وعشان خاطر العيال بس انا برفض آخر حاجه قالى ارجعى وانا مش هنسالك الجميل ده طول عمرى وهفضل فاكرلك انك فضلتى معايا رغم جوازى وانا عمرى مهظلمك وهشيلك فى عنيا وشيلي التانية من دماغك خالص و انك ممكن تستفيدى منها وتشيل عنك العيال بدل مهما مطلعين عينك وكلام من النوعية دى.

 

او لو انا مصممه عرض عليا ارجع شقتى وهيديني ضعف الى الناس حكمت بيه مصروف ليا انا والعيال وهو يقضيلي طلباتى انا والعيال ومن غير ميلمسنى ونعيش كأننا مطلقين بس فى شقتى على أمل أن اوافق ارجعله بعد كده.

 

انا مبقتش عارفه اعمل ايه فى ناس بتقولى ارفع قضية واتطلق بس لو اتطلقت مين هيتجوز واحده مطلقة ومعاها ٣ عيال وهيقدر يعيشنى فى نفس المستوى الى اتعودت عليه مع جوزى ويا ترى هيعامل عيالى ازاى وانا كمان صعب عليا اعيش مع غيره ولا اخلى ولادى يتحرموا منه عشان انا بحبه وده ابو عيالي مهما حصل

 

ولا اسمع كلام اهلى وارجعله ومسيبهوش ليها لوحدها وأنها الوحيدة المستفيدة من عدم رجوعى وعيالى يتربوا مع ابوهم وفى خيره الى رغم الخلاف اشهد له حنين جدا عليهم وعليا انا كمان وكرم الدنيا فيه.