ماحده حسين ..تكتب..شنطه الخير
كتير من أصحاب الاعمال بيعملوا شنط رمضان او بيتبرعو لجمعيات خيرية بمبالغ من أجل المساهمة في شنط رمضان ربنا يبارك في كل اصحاب القلوب الرحيمه السابقه في عمل الخير بس احب الفت النظر في هذه الظروف وغلاء المعيشه وزياده الاسعار بشكل مبالغ فيه نتيجه للظروف الاقتصادية
ياريت كل صاحب عمل يعمل شنط الخير للموظفين عنده انت عارف تاثير الشنطه دي علي العالمين عندك في المؤسسه بيكون تاثير إيجابي لانه بيدخل علي اهل بيته بخير وبيفرح اهل بيته بتكسب حسنات بالتقرب من ربنا وبجبر الخواطر وترفع من معنويه العالمين عندك وتزود الطاقه الايجابيه ليهم لانهم بياخدو شنطه الخير دي بكرامه من مكان عملهم
رساله لكل مقتدر بيعمل شنط الخير
لاتقتصر فقط علي الايتام في توزيع شنط الخير شوف الناس اللي بتشتغل باليوميه والناس اللي دخلها محدود والصناعيه اللي كل فين وفين يجي ليهم شغل اعطيهم هما كمان مستحقون ساعدوهم انهم يدخلو بيوتهم بخير لا تكسور بخاطرهم امام ابنائهم بعجزهم عن توفير ما يلزمهم في ظل هذا الغلاء شوف اهلك الفقراء وساعدهم شوف جيرانك محدودي الدخل وفرحهم بزياره
ساعدو كل محتاج في هذا الشهر الفضيل وكل عام وانتم بخير
