المرأة البورسعيدية تتحدى الكورونا ” مبادرة لقومى المرأة ببورسعيد 

مرڤت العربى عبد العظيم

نماذج متميزة للمرأة البو سعيدية و حكاية الدكتورة رنا

فضلت تنمية مواهبها الفنية علي عملها كصيدلانية

فى إطار مبادرة ” المرأة البورسعيدية تتحدى الكورونا ” أشارت الاستاذة نجلاء ادور مقرر المجلس القومي للمرأة فرع بورسعيد ان المبادرة تتضمن عدد من النماذج الرائعة التي نسلط عليها الضوء لتكون مصدر إلهام للجميع .

وفى حوار للإعلامية سماح حامد عضو المجلس القومي للمرأة مع أحد هذه النماذج وهى الدكتورة رنا عيد التى بدأت تروى قصة نجاحها ، قالت ” أن الحكاية بدأت باستخسار المجموع ، أنا في الاساس صيدلانية حكومية دخلت صيدلة بسبب المجموع لكن طول عمري نفسي ادخل كلية فنون جميلة ولازال ده حلمي . ”

و استكملت حوارها قائلة ” عندي طفلتين الفرق بينهم سنة ونص… ولكن محبتش مهنتي ابدا بسبب الروتين دورت على حاجة بحبها واخدت اجازة من شغلي ولقيت نفسي اكتر في شغل التورت والحلويات وابدعت فيه .”

وعن كيفية تنمية موهبتها و تطوير نفسها أجابت ” اخدت كورسات اونلاين وعملي الحمدلله نجحت فيه وبدأت مشروعي وكانت اصغر بنت في بناتي عندها 6 شهور وبجد تعبت علي نفسي كتيييير عشان اعمل اللي بحبه وانجح فيه ، واخدت كورسات تصوير عشان اخدم علي شغلي واستفدت منه وبقيت بصور منتجات كمان وكل ده اونلاين وعملت سيشن لمنتجات كتير ”

وعن مشاركتها فى مسابقات محلية ودولية أجابت بأن قدمت في مسابقة star chef. في دمياط وكسبت المركز الثاني في تورت النحت و ايضا مسابقات اونلاين اثناء ازمة كورونا لجروب تصوير لمصورين من كل العالم واخدت المركز البرونزي .

وعن مواصلتها للعمل أثناء ازمة كورونا ايضا غير مشاركتها فى المسابقات اون لاين ، أوضحت ” لازالت شغاله طبعا وقفت فترة بسيطة بس رجعت تاني وباخد كل احتياطات النظافة والتطهيرحتى من قبل الازمة بس زدت برضه في الاجراءات ، ولازم اكمل شغل عشان لما وقفت فترة اكتئبت فقلت لنفسي هرجع اكمل عشان احس اني مبسوطة واسعد الناس بشغلي لان هو ده مصدر فرحتى و معظم التواصل عن طريق صفحتى اون لاين و اخذ الاجراءات الاحترازية عند التوصيل ” .

وعن النصيحة الى تحب تقدمها لكل فتاة فى بداية حياتها ، أضافت :” اللى نفسي انصحه ليكم اتمني ان كل واحد يدور علي شغفه ويحلم ويبقي عنده.طموح ويتعب ويجتهد مفيش حاجة بتيجي بالساهل ابدا ولا بالكسل ،متعتمدش ع حد يساعدك.. انت سندك وقوتك ”

(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُون)

الإحسان في الإسلام هو إتقان العمل الذي يقوم به المسلم وبذل الجهد لإجادته ليصبح على أكمل وجه، فإن كان العمل خاصا بالناس وجب تأديته على أكمل وجه وكأن صاحب العمل خبير بهذا العمل ويتابع العامل بكل دقة.

صدقوني لو احنا طبقنا ديننا صح هنكون اقوي امة في العالم