مراد فكري : أعمالي كلها ناجحة وسعيد بالعمل المسرحي
محمد طه
مراد فكري فنان شاب أقتحم عالم الفن منذ فترة قصيرة قدم من خلالها مجموعة من الأعمال الفنية المتنوعة في الدراما التليفزيونية والسينما والمسرح فمن الأعمال التلفزيونيه بن حلال ومن الأعمال السينمائيه الألماني مع النجم محمد رمضان كما قدم عدد من الأعمال المسرحية كان آخرها وليس بآخر زقاق المدق
وكان الحوار الصحفي كالتالي
حضرتك بتقدم في الوقت الحالي مسرحية زقاق المدق إزاي تم ترشيحك للدور؟
الدور جالي عن طريق دكتور عادل عبده ومحمد الصواف
كلمنا عن شخصيتك في المسرحية؟
طبعا زقاق المدق إتقدمت قبل كدة في أعمال سينمائية ومسرحية بلعب دور زيطة وهي الشخصية اللي تعتبر قريبة أو فيها ريحة الفنان توفيق الدقن
مكنش عندك خوف أو قلق من المقارنة بين حضرتك وبين الفنان الكبير توفيق الدقن؟
مقلقتيش خالص لأن مبحطش نفسي في مقارنة مع فنان كبير كدة ولا في مساحة للمقارنة لأني مش عامل توفيق الدقن
اية رأيك في كواليس العمل المسرحي؟
سعيد جدا مع فريق العمل من الفنانين الكواليس جميلة كلها فرح وسعادة وحب بينا جميعا
هل بيكون عندك تحفظ علي شغل المسرح أحيانا؟
بالعكس بحب شغل المسرح جدا ودي مسرحية رقم خمسه اللي بقدمها كمان انا دراستي فنون مسرحية في دي تخصصي وتربيت هنا في المسرح
لي بعض الفنانين بيقلقوا من الفن المسرحي؟
لأن المسرح إلتزام ومحتاج جهد وشغل كبير واتصال مباشر مع الجمهور
حضرتك قدمت أعمال فنية متعددة متنوعه اية العمل اللي كان فارق معاك في حياتك الفنية؟
الحمد لله كل أعمالي نقلة في حياتي لأني مبدخلش عمل مش مقتنع بيه فكل شغلي بنسبالي كويس
إزاي ممكن تقدر تعرف نجاح العمل أو فشله؟
أولا دي حاجه في إيد.ربنا لكن ممكن نحكم علي. السيناريو والورق الإنتاج ومدي توفير الخدمات التسويقية للعمل وكدة
