محمد انور نجم مسرح مصر عن والدته

رحمه العسال 

صرح النجم محمد انور نجم مسرح مصر عن والدته قائلا :أمي مش متعلمة خالص لا بتعرف تقرأ ولا تكتب ، و بعدين أول ما راحت المسجد كان نفسها تتعلم تقرأ القرآن لأنه كان صعب عليها تحفظ القرآن سماعي ، فكانت بتزعل اوي انها مش عارفة تقراه ، عشان كده كانت تشغل السورة في الكاسيت كذا مرة عشان تقدر تحفظها..

و ده شجعها انها تتعلم لحد ما خدت محو أمية و حفظت القرآن كله بالتجويد ، وهي دلوقتي اللي بتدرس في المسجد و بتحفظ للناس القرآن ، عملت كل ده لوحدها من غير مساعدة من أي حد فينا.

احنا في البيت بصراحة مكناش مهتمين اوي باللي هي بتعمله او مكناش واثقين انها هتوصل لكل ده ، لحد ما لقيناها بتفاجئنا كل شوية تعالوا أنا بتكرم ، تعالوا انا هاخد شهادة.