مشكله عضوة

مها فتحي 

لكل منا حياتة بداخلها لحظات فرح ولحظات حزن وفيها نتاج ما مررنا بية لسنوات

نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى..

رايكم يهمنا شاركونا

بداية المشكلة 

مشكلة عضوة .. تقول فيها

انا لسة عروسة من 10 ايام حماتي جات تزورني هي وسلفتي وعيالها وانا بصراحة كنت تعبانة ومقدرتش اقدم غير جاتوه وعصاير وبيبسى شوكولاتات للأطفال وكده

المهم بعدها بيومين ماما جت تزورني فعملت غدا وقعدوا معايا طول النهار ومشيوا بالليل بعدها زوجي قالي انتي بتقابلي اهلك كويس واهلي لا وانا والله مش قصدى انا كنت تعبانة وهو عارف لقيتو نزل فيه ضرب شفايفي ورمت ووقعلي سنة من اسناني الامامية انا مضايقة ومحروجة اخد هدومي واروح لاهلي لأني لسه عروسة ومش عاوزة اتصل واقول لماما كلمت حماتي اشكيلها لقيتها جت عندي ولما شافتني قالت وايه يعني انتي مراتو وحقه يضربك لما تغلطي

بقولها ترضيها على بنتك قالتلي بنتي محدش يقدر يعمل فيها كده دى متربية وبنت ناس لسه بقولها وانا بنت ايه لقيت زوجى ضربني ادامها بالقلم

اعمل ايه اكلم ماما واكبر الموضوع ايه رأيكم بجد انا منهارة اعمل ايه .