الحما ومرات الابن
ماجده حسين عبدالفتاح
الحمد لله في الوقت الحالي الناس بقي عندها علم بحقوق زوجه الابن انها ليست مسؤوله عن خدمه ام الزوج ولو قامت الزوجه بهذا العمل لابد من تقدير هذا العمل فهو كرم اخلاق منها وليس واجب عليها
لكن ليس الكثير يفهم ذلك وهناك كثير من بيوت العيله تلزم الزوجه بالخدمه وتعتبر هذا الامر الزام للزوجه وهنا بيتم تجاهل كثير من الامور
فكثيرا نلاحظ زوجه الابن معاها اطفال صغيره ممكن الزوجه ماتكنش نامت كويس وقاعده با ابنها طول الليل وتلاقي الحما عوزها تنزل في ميعاد معين علشان تعمل شغل بيت العيله
بعض الاحيان الحما تبقي عوزه مرات ابنها قاعده معاها طول اليوم وتطلع شقتها علي النوم
طب حضرتك هي من حقها تقعد في شقتها مع اولادها علشان تعرف تربيهم كويس
ايوه الام لازم تقعد مع اولادها تقرب منهم تاخدهم في حضنها تعلمهم الصح من الغلط تلعب معاهم تقرب ولادها من بعضهم تحسس اولادها بالدفء والحنان والحب وده كله هتعمله ازي وهي خلصت كل طاقتها بتاعه اليوم وهي قاعده معاكي وطالعه شقتها خلصانه
اوقات تلاقي الحما بتفرق بين السلايف تلاقي اللي بتخدمها وطالع عنها معاها تبقي قاسيه عليها علشان عارفه انها بتستحملها وتلاقي اللي تبقي عامله لنفسها حدود في التعامل بس شاطره في الطبطبه او التطبيل بمعني اصح يتعمل ليها الف حساب عن اللي بتشتغل بس مبتعرفش تطبل زي التانيه
ياريت الحموات تراعي ربنا في زوجات أبنائها وتعاملهم زي ما بتعامل بناتها
وا مرات الابن اوقات في بيت العيله مع الأسف ممكن لو حصل موقف ضايقها تطلع العصبيه علي اولادها او تضرب الولد او البنت قدام حماتها لان عارفه ان حماتها هتزعل عليهم
طب ليه تحملي اولادك ذنب مش ذنبهم
