جبنه كريمي بيتي بأسهل طريقه
شهر زاد
المقادير
كوب زبادي ( استخدمت كوب متوسط)
3 معلقه كبيره حليب بودره
5 قطع جبنه مثلثات
معلقه صغيره خل
ربع معلقه صغيره ملح
حوالي كوب إلا ربع زيت أو على حسب القوام ما يتقل معانا
الطريقه
في الخلاط نضيف الزبادي أول حاجه ونضيف باقي المكونات ونضيف نص كوب زيت ونخلطهم ولو احتاجت زيت نضيف شويه بشويه لما القوام يتماسك ويكون كريمي ونحضر برطمان يكون ناشف كويس جدا ونضيف الجبنه ونقفل الغطا كويس وندخلها التلاجه تتماسك
ممكن نعملها الصبح أو الضهر ونسيبها في التلاجه لوقت السحور
جميله جدا ومش مكلفه وإن شاء الله تجربوها وتعجبكم وممكن تعملو كميه صغيره على حسب الرغبه
