(بلكونة الحياة)
كل يوم يعدي عليك وانت بتكبر وفي غاية السعادة وانت بكامل صحتك وعافيتك،
اعتبر نفسك بتطلع درجات السلم وانت مبسوط انك قادر تطلعه ولما تطلع وتوصل لأول بلكونة انظر الي أسفل وانت فرحان ونادى بأعلى صوت لكل الناس اللي تحت واللي ماشية في الشارع وقل لهم عقبال عندكم لما تطلعوا المكان اللي انا فيه ده وتطلعوه علي أرجلكم وانتم في صحة وعافية،
متزعلش انك بتكبر في العمر ازعل لما تلاقي نفسك كبرت دون ان تحقق اي نجاح في حياتك ودون ان ترضي الله ورسوله في اعمال الخير ،
ازعل ان الزمن عدى عليك من غير ما تأدى الرسالة اللي عليك تجاه والديك واولادك وعائلتك،
ازعل لما الزمن يعدي عليك وتكتشف أنك ظلمت وطمعت وحقدت وكرهت وعملت حاجات كتير تغضب ربنا،
عرفت الفرق فين ،
الفرق انك لو عشت طول حياتك متسامح وراضي باللي انت فيه وعندك قناعة هتفضل بصحتك لأنك مشيت وعشت علي قد امكانياتك عمرك ما بصيت لحد ولا عمرك شغلت بالك بحد الا نفسك فقط عشان كده عشت طول عمرك محافظ علي اعصابك وعلي صحتك ومش هتحس انك كبرت في العمر وكل ما تكبر وانت بكامل صحتك هتبقي مبسوط لانك مهما كبرت هتفضل واقف علي رجليك ومش محتاج من حد انه يسندك،
وبكده تقدر توصل رسالتك لكل الأجيال اللي من بعدك ونادى عليهم وانت فوق في بلكونة الحياة وانت فرحان ومبسوط انك قدرت تطلع علي رجليك دون مساندة من أحد وتفضل تنادي عليهم بالحكمة عشان يتعلموا منك ويعرفوا انت ازاي مهما كبرت بتفضل شباب ،،
