هند صبري: أنا ومنة شلبي مكناش بنطيق بعض وولاد الحلال وقعوا بينا زمان..فيديو
هند محمد
كشفت الفنانة هند صبري عن تفاصيل علاقة الصداقة القوية التي تجمعها بمنة شلبي وأوضحت أن الصداقة بدأت بعدم تقبل كل منهما للآخرى
تابعت صبري أثناء لقائها مع الإعلامية منى الشاذلي في برنامج “معكم منى الشاذلي” أنها لم تكن تحب منة شلبي في البداية وكانت منة تبادلها نفس الشعور حيث قالت “أنا ومنة كان في بينا مشاكل كتير أوي زمان ومكناش بنطيق بعض والموقعتية وقعوا بينا كتير”
وأضافت قائلة “كل يوم حد يقولي منة بتقول عليكي كذا ويروحوا لمنة يقولولها نفس الكلام”
وعن بداية علاقة الصداقة بينهما قالت “من فيلم بنات وسط البلد أستاذ محمد خان كان عايزنا احنا الاتنين وأحنا بروفيشنال، روحناله البيت هو وزوجته وسام سليمان اللي كتبت الفيلم وبعدين سابونا قالوا هنعمل قهوة”
واسترسلت قائلة “كان لازم نتكلم وقولنا كل حاجة وصفينا كل حاجة ومن ساعتها صداقتنا داخلة في 20 سنة”
قالت صبري “أحنا معندناش كيد بس كان خصام عيال ومش خصام كمان بس كان في حرص ومنافسة على الأدوار لما كبرنا عرفنا أن اللي هينجح مش هيخسر التاني والجيل اللي قبلنا عارف دة”
وعن صداقات الوسط الفني قالت أن هناك عددًا كبيرًا من الصداقات.
كما كشفت عن مواقف سلبية تعرضت لها وأنها اشتهرت في بدايتها بـ”المغتربة” ولكنها حرصت على تجاوز الأمر سريعًا.
اقرأ ايضًا:
