خالد منير من النوبه الي العالميه “

كتب :عبدة شحاتة

فخر العرب بالمانيا فنان موهوب استطاع بلوحاته أن يعبر عن قضايا كثيره وصل عن طريقها الي العالميه

وهو خالد محمد عباس منير خريج فنون جميله من قريه الدر بالنوبه
وصل بفنه لألمانيا واطلق عليه فخر العرب بالمانيا

الناس في المانيا بيحبوا خالد علشان بيرسم السمر كتير والأطفال ويرسم قضايا المرأة وبحل مشاكلها بعمل حاله جديده في الرسم والفن التشكيلي ومن هنا ولانهم بيحبوا السمر جدا فبدأ تسميتي بفخر العرب ليس فقط المانيا ولكن في الصين والنمسا وهولندا وانجلترا وايضا ايطاليا
بدايتك كانت في المانيا ؟
فعلا كانت بداياتي في المانيا واعجبوا باللوحات وحضروا الي مصر واشتروا لوحات كتير ومن هنا بدء التعامل والفكر الثقافي
احنا عندنا فنانين تشكليين كتير ايه ال ميز خالد منير عنهم ؟
علشان بعمل الالوان علي ايدي والقماش أيضا علي ايدي وفي سر بعمله في الألوان وفي اختلاف بيني وبين اي حد بيرسم اني مش برسم بريشه برسم باصبعي علشان كده هما معجبين برسمي لانه مختلف
بدايتك في الرسم كانت وانت عندك كام سنه وهل اخذت كورسات أو تدريبات ؟
بدايتي كانت من سن ٨سنوات ودي موهبه من عند ربنا مأخذتش اي كورسات ولكن والدي كان قبطان بحري لاحظ موهبتي من صغري هو ال علمني وشجعني علي الرسم
اللوحه بتاخد منك وقت اد ايه تقريبا ؟
بقعد ساعه وانا برسم بشغل قرأن انا عاشق الرسم بجنون الرسم عندي روح وحياه ولسه عندي احلام وطموحات كتير لسه معملتش حاجه انكتب عني في المانيا وهولندا والصين ولكن اهم حاجه عندي مصر واني ارفع اسم بلدي مصر
كلمني عن الكتاب الإسباني ال اتكتب عليك ؟
كتاب اسمه فخر افريقيا بيتكلم عن العنصريه والمرأة ومشاكلها والدول العربيه ومشاكل الاطفال اليتامي انا طبقت الكلام في رسوماتي وكتبت عنه ايزابيل اورتيجا ومن اسبانيا خدوه الألمان وترجم ومعروض حاليا في المانيا
وكتبت الشاعره ايزابيل اورتيجا كتاب جديد عني بعنوان الطفل الذي هو انا وفي ألمانيا تم كتابه كتاب اسمه غريب في المانيا للدكتور جورج دانيال من جامعه فلوريدا بأمريكا والكتاب يسرد من طفولتي لحد الان
والفيلم التسجيلي كلمنا عنه؟
هو مستوحي من فكره كتاب غريب في المانيا فقاموا بعمل فيلم تسجيلي بعنوان( الحلم )
للمخرج.ادريان اسكندر ولكن لم ينتهوا من تسجيله حتي الآن وسيتم ترجمته الي ٧لغات
ملاحظين التطور في لوحاتك فبينم التطور في اللوحات ونفسك ازاي؟
انا بقوم بشئ جديد.بمعني أن الوان قدماء المصريين زاهيه فأخذت الفكره دي منهم وطبقتها علي اللوحات بتكنيك وفكر جديد بجيب الوان من التراب ويضيف عليها بعض الزيوت من افريقيا وتراب من انجلترا وفرنسا بدمج المكونات مع بعضها بفكر ومضمون واطوره واعمل حاله جديده للفن
كلمني عن لوحه المستشرقين
كانت كلها مستشرقين وأدخلت فيها النوبه والفلاحين وسافرت اللوحه الي فرنسا وكانت مصممه لرجل أعمال فرنسي
ماهي الادوات التي تستخدمها في الرسم ؟
ادوات عباره عن زيوت اصنعها من البلاستيكات والتتانيوم ومستحضرات التجميل وقمت باختراع الوان تعمل علي دمج الزيت مع المياه وحق الاختراع في المانيا وتم تسجيله
في مواهب أخري غير الرسم ؟
بحب الغناء جدا والتمثيل والشعر الذي به نوع من الزجل والبهجه
واشارك في مسلسل كوميدي اسمه الفرح فرحنا اخراج معتز التوني بطوله محمد اسامه أوس اوس ومحمد ثروت وويزو وميرنا جمال وأقوم بدور محمد.منير ولكن بشكل جديد.ويتم عرضه الان علي شاهد.وسيتم عرضه علي قناه mbcمصر
مسابقه بكين ارت مو صلاح كلمنا عنها؟
قمت بعمل مسابقه بكين للاعب محمد.صلاح بعنوان مو صلاح وكلمت الشركه ووافقت علي الفكره لاني بالطبع عاشق لمحمد.صلاح والمسابقة عباره عن رسم لوحه لمحمد.صلاح بفكر جديد.ونقوم بتوصيل اللوحه الي محمد.صلاح
آخر معرض عملته ؟
كان لتشجيع السياحه وبلدنا مصر بعنوان غريب وسط النيل وكان علي باخره وسط النيل وقمت بتسجيله وتم إذاعته علي القناه الاولى الالمانيه وقناه رجال الأعمال
الرسام الغريب من اطلق عليك هذا الاسم ؟
لقبتني به صحافيه تونسيه والمقصود بالغريب هنا الشخص المميز وقالت لي انك ستكون نجم ٢٠٢٠ و٢٠٢١و٢٠٢٢
وبالفعل هذا الكلام اسعدني وتفائلت به جداا
آخر اعمالك الفنيه في الرسم ؟
لا يوجد.اخر اعمال انا كل يوم ارسم لوحه جديده أرسلها إلي الخارج ولكن في لوحه بعنوان الامه العربيه او التكاتف الثقافي ما بين الشعوب وهي فكره جديده بمعني أننا كعرب افضل من اي حد
نصيحه للشباب تحب تقول لهم ايه ؟
يجب أن يكون لديكم طموح وان تحب ربك حتي يحبك وتحب اهلك وأصدقائك وتحب الخير لجميع الناس أو وأن تحب بلدك مصر ويجب أن يكون لديك تحدي وإصرار وعزيمه واياك أن تجعل أحد.ببأسك وتحدي نفسك واهم شئ يجب أن يكون عندك ايمان بالله