حسام النعماني يكتب : خليك واضح مع نفسك
الظاهر ان احنا محتاجين كلنا نقف واقفه مع انفسنا ونعيد حسابتنا في بلدنا الحبيبه مصر لازم تكون فخور اولا انك مصري لازم نحمد ربنا اننا في بلد ربنا حاميها من فضله سبحانه وبفضل قيادتها الحكيمه وشعبها لازم نكون واعيين ان بلادنا محفوفه بالمخاطر والمتأمرين
لازم نكون فاهمين أنه في ظل الظروف التي يمر بها العالم من وباء سقطت دول وأنكشفت ولكن الله حفظ مصر لنا جميعا وده برضوا أكيد من قياده رشيده ومحترفه أن تصل بالبلاد إلي بر الأمان ولن ينقصك شيء ولا طعام ولا شراب ولا أي شيء كان الحمد لله الأسواق مليئه بالسلع رغيف عيشك موجود سوبر ماركت الحاره لم تنقص عنده سلعه واحده في حين دول عظمى نقصت عندهم سلعه الطعام وهو من اساسيات الحياه لازم نعرف أن إحنا بفضل الله ثم قياده وجيش وشرطه وشعب في أمان يفتقده كثير من الشعوب في المنطقه
وغيرها ولازم نعرف أن الطرق والكباري اللي بعضنا مش عاجبه أن الدوله تعملها كانت في فتره سابقه أمنيات شعب كان يحلم كل أبناء المحافظات بطرق آمنه وكباري تقصر عليهم المسافات وتختصر لهم الوقت ولازم نعرف ايه معني أن بلد تمر بجائحه مثل كل البلاد ولكن لم يتوقف فيها البناء ولا المشروعات وتتتابع في إفتتاح المشروعات الجباره بين اليوم والأخر تفتكر كل ده ليه علشان انتا في دوله فشله وقياده فاشله ولا العكس صحيح قياده مدبره تحب وطنها تبني تعمر تصنع المجد بإيدي أبناء الوطن وسواعدهم
تفكر في مصر اكثر مما تفكر في مصالحها يعني قياده ناجحه ودوله ناجحه أفتكر اللي قولتهولك ده كله يستحق منك أن تقف مع نفسك شويه وتعرف من أين تبدأ وأخيرا وليس آخرا أصلح من نفسك أصلح من سلوكك أصلح ضميرك
الدوله مش مطلوب منها تنزل توقف الناس في طابور للنظام مش مطلوب منها تضع مراقب علي ضميرك موظف كنت أو مسئول أو شخص عادي مش هتمنعك تشرب مخدرات وتدمر نفسك ليه أنت عدو نفسك وبلدك لو المواطن سافر بلد تانيه هل يجرؤ أن يكسر إشارة أو يمشي عكس الطريق ولا يرمي زباله في الشارع ولا يتخانق ويبلطج علي جيرانه ولا يكتب بوست ضد قيادات البلد اللي سافر لها أظن لا
طيب ليه انت بره مؤدب وودود واليف وفي بلدك عامل فيها عنتر أظن الرساله وصلت باقي عليك التنفيذ يلا كلنا نحب بلدنا ونقف جنب قياده بلدنا ونقف جنب بعض ونحب الخير لبعض والله هوا ده اللي ناقصنا وهنبقا احسن شعب في أحسن بلد
