طاجن البطاطا بالكريم كراميل وكوكيز البطاطا
نبض الوطن
صنية بطاطا
نص كيلو بطاطا مسلوقه ومهروسه
نص كوب سكر
رشه قرفه
كيس كريم كراميل مذاب فى كوب لبن بارد
معلقتين ك زبده طريه و محمصه
معلقتين ك لبن بودره
نص معلقه ص فانيلا
معلقه ص مليانه بيكنج بودر
زبيب
جوز هند
فستق مجروش
هنقلب كله مع بعض كويس فى بوله لحد مايندمج
ونجيب طاجن مدهون زبده ونصب الخليط ويدخل فرن سخن على ١٨٠ لمده ٢٠ دقيقه بعد كده نطلعه ونرص المارشميلو ودخليه تحت الشوايه خمس دقايق عشان المارشميلو يتحمر ويسيح ويمط ويلظ ويبظ وبالهنااا
كوكيز البطاطا
كوب دقيق
نص م ص بيكنج بودر
م ص قرفه
رشه ملح
بيضه + م ص فانيلا سائله
ربع كوب زيت
نص كوب سكر
نص كوب بطاطا مهروسه
نص كوب شوكلت شيبس
اضربي بيض وسكر وفانيلا وزيت بالمضرب اليدوي كويس لمده خمس دقايق بعد كده زودي دقيق وبيكنج ورشه ملح وقلبي ونزلي نص كوب البطاطا المسلوقه المهروسه وقلبي ونزود الشوكلت شيبس وشكلي الكوكيز بمعلقه الايس كريم ويدخل فرن سخن على ١٨٠ لمده ربع ساعه وبالهناااا
