بسبوسة محلات الحلوانى
شهد ياسر
بسبوسة محلات الحلوانى طرية ومرملة ومتماسكة يعنى بسبوسة زى ما بيقول الكتاب انسى انها تنشف منك تانى … وداعا لفشل البسبوسة
المقادير :
٢ كوب سميد
كوب زبادى
٢/٣ كوب سمن
١/٣كوب سكر
ملعقتين كبار عسل نحل
١/٢ ملعقة صغيرة ممسوحة بيكنج بودر
رشة ملح
مقادير الشربات :
كوب ونصف سكر
كوب ونصف مياه
كيس فانيليا
ملعقة كبيرة عسل نحل
عصير نصف ليمونة
الطريقة ؛
نضع دقيق السميد فى اناء ونضيف عليه نصف ملعقة صغيرة ممسوحة بيكنج بودر ونضيف عليه رشة ملح ونقلبهم وبعدين نبدأ نجهز المكونات السائلة … هنكرمل السكر ونضع عليه الزبادي والسمن وملعقتين عسل نحل ونترك الخليط يبرد قليلا حتى يكون دافئ … نضيف المكونات السائلة على الجافة ونخلطهم جيدا ونضعهم فى صينية مقاس ٢٨ مدهونة طحينة أو سمن وندخلها فرن ساخن على درجة حرارة عالية وأول ما تاخد لون دهبى من الحروف نطفى الفرن ونشغل الشواية وأول ما تاخد لون ذهبى من فوق نخرجها ونضع عليها الشربات الساخن ونغطيها حتى تبرد وبألف هنا
