عارفين أنا مين..أنا الأم.
رحاب السيد.
عارفين أنا مين
أنا الطيبة اللي مدفونه في وسطيكم
أنا حاضركم أنا ماضيكم
أنا امبارح أنا بكره
أنا اللي في بالي ميت ذكري
عشمانه في يوم تلاقيكم
أنا القلب اللي جرحتم ومرحمتوش
أنا البيت اللي بيلم ومقدرتوش
أنا الأم
أنا البطن اللي شيلاكم
أنا الدنيا اللي جمعاكم
أنا الحضن اللي ليكو بضم
أنا الأم
أنا الجنة اللي رايحينها
أنا الرزق اللي بيجيلكو بفضل وجودي وسطيكم
أنا الأخره اللي ضمننها بفضل صلاتي ودعائي
أنا الماضي أنا الآتي
أنا الكلمة اللي مكتوبة علي رسالة في عيد الأم
يوم في السنة بتفتكرو ومبسوطة ولو في العمر
عمري في يوم ما هكرهكم
قلبي ودعائي دول ليكم
مانا أصلي أم.
