نصائح لتنظيف المطبخ
شهد ياسر
عشان مطبخك يبقي دايما نظيف لازم يبقي عندك شوية حاجات دايما جاهزة
1 : لازم اجيب كيس كلوركس الوان ابو خمسه جنيه واحطو فى بخاخه ومعاهم مياة وده بقى بلمع بيه الرخام والبوتجاز والحوض.
تخلصى الاكل تجرى تنقلى الحلل من على البوتجاز ورشة واتنين من المحلول ده وادعكى ولمعى بوتجازك وهو لسه سخن عشان الدهون ما تمسكش بس اوعى تتلسعى وتدعى عليه بس الستات الشاطره فهمانى وبتلمع البوتجاز وترجع تحط الحله تانى وتكمل تسويه تانى
خلصتى متخليش معلقه وسخه فى الحوض بعد الاكل فى ثوانى هتكونى مشطبه مواعينك وانتى معلقه على كوباية الشاى
خلصنا وشطبنا وده مستحيل عشان بيجوعو كل خمس دقايق
عشان مطبخك يفضل نظيف ومرتب على طول
هقولك مثال خلصتي المواعين وهترصيها اعدلى ترتيب الكوبايات وانتى بترصى الكوبيات النظيفة
هتفتحى درفة الحلل رتبي حللك قبل ما تدخلى الحلل النظيفه
علبة السكر خلصت اغسليها ونشفيها قبل ما ترجعى تمليها
علبة التوابل فاضية هنغسلها ونشفها كويس ونطحن التوابل وننزل فيها
طول ما ايدك فى المطبخ هيفضل زى الفل
كل اول شهر لما بجيب خزين الشهر
بنضف كل برطمان قبل ما اضيف فيه الحاجات الجديده
اذاعه القران فى المطبخ اوعى تقفليها هتتعلمى منها حاجات جميله وهتسمعى فى العصريه فتاوى وفقه هتفيدك
وبليل هتسمعى تواشيح وتلاوات قران ربنا ينفعك بيها
عايزه تخلصى شغل بيتك بسرعه شغلى سورة البقره وقولى هخلص شغلى فى نفس توقيت السوره ورددى وقولى معاها هتحفظيها.