بدون تجريح تعملى اه لو كنتى مكان صاحبة المشكله

شهر زاد

انا متجوزة وجوزي مربياه من وهو صغير خالته أخت امه هي معندهاش عيال وربته وهو عنده سنتين عاش معاها لحد دلوقتي حتي لما اتجوزنا قعدنا معاها في بيتها و ربنا يعلم هي أد ايه ست طيبة وحنونة وبتحب عيالي اكتر من نفسها وانا بحبها زي امي بالظبط .دلوقتي هي كاتبة البيت بتاعها لجوزي بعقد بيع والعقد معايا بس ابتدائي هو عبارة عن ٣ ادوار كانو دورين والتالت بتاعنا لان اللي بناه جوزي المهم هي دلوقتي محتاجة فلوس ضروري علشان أخوها اللي هو خال جوزي لأنه في ضيقة ولو مدفعش هيتسجن هي بقي قررت تبيع محل من الدور الارضي لأنه فيه ٣ محلات وهي ساكنة في التاني واحنا التالت واستأذنت جوزي علشان تبيع انا انصدمت من ردة فعله قالها مش لما يبقي ملكك تبيعيه البيت ده كله بتاعي وانتي بيعتي بكامل قواكي العقلية يعني هتكتري كلام في الموضوع ده هقولك من غير مطرود خالته حرفيا كانت منهارة وساكتة زي المصدومة يعيني ولأن الست دي تعز عليا ولأني مشفتش منها يوم وحش جبت العقد وادتهولها تقطعه والله قالتلي بالحرف كدة : ربنا يخليكي يا بنتي الحمد لله اني هقدر اساعد اخويا واذا كان علي العقد انا هكتبله واحد جديد بس هخلي شقة بإسمي يمكن يطردني منها ..بعد كدة جوزي عرف انها باعت محل وعرف بعدها اني انا ادتها العقد رمي عليا اليمين وحلف ما يرجعنيش غير لما العقد يرجع انا مش عارفة اعمل ايه وهل انا صح ولا غلط اهلي بيقولولي دخلتي نفسك في حوار ملكيش فيه تستاهلي اللي جرالك