مشكلة عضوة

مها فتحي

لكلا منا حياتة بداخلها لحظات فرح ولحظات حزن وفيها نتاج ما مررنا بية لسنوات

نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى

بداية المشكلة

انا فتاه مخطوبه وبشتغل ومن مرتبي عملت جمعيه وقبضت خمسين ألف عشان جهازي الشخصي الحمد لله ابويا مجهزني بكل حاجة بس دي عملتها للاحتياجات الشخصية و الهدوم و كده عشان ما اتقلش على بابا

حماتي اتصلت بيا لما قبضتها و قالت لي ان الست الأصيلة الشاريه بتقف جنب جوزها و لازم تساعده يشطب الشقة عشان تتجوزوا هيجيب منين يعني ما انتي شايفة الظروف لو مخدش الفلوس دي يشطب بيها هنضطر نأجل كمان سنة و انا المفروض جوازي شهر ٢ الجاي و مخطوبة بقالي ٨ شهور

و طلبت مني في آخر المكالمة ان محدش من اهلي يعرف حاجة عن المكالمة دي و لا عن الفلوس اللي خطيبي هياخدها عشان ما اكسروش قدامهم .. اعمل ايه

انا ٣٢ سنة و خطيبي ٣٥ و مش طموح بيشتغل ب ١٥٠٠ و باقي الشهر مقضيها سلوفات من البيت و انا بشتغل و مرتبي كويس و أهلي كمان مرتاحين مش هحتاج له بس المكالمة دي قلقتني اوي اعمل ايه مع الاخد في الاعتبار السن اني كبيرت ومعني المكالمه بيرمي لكده