تعملى اه لو كنتى مكان صاحبة المشكله
مها فتحي
. انا متجوزه من10سنين جوزي راجل بيصلي وهو أكبر مني بسنه وانا والدي متوفي وأنا في تالته ثانوي قبل امتحان العربي بليله كنت حاسه ان زوجي هيعوضني عن الأب والأخ لأن احنا 3بنات هيعوضني بالأمان من اول اسبوع جواز حصلت مشكله تافهه بينا أمه أدخلت وصلت أن النيش كله انكسر وكل شويا مشاكل بسبب أهله انه بيسمع كلام أمه واخته وبسبب مشاكل بيت العيله رمي عليا يمين الطلاق مرتين بسبب أهله كل حاجه بينزل يحكيها كل كبيره وصغيره حتى لما كنا بنخرج كنا بنخرج ويقولي وانتي نازله مايتعملش صوت ع السلم كان بيسمع أمه واخته بيشتموني ومش بياخد موقف مره في مره بدأت ارد عليهم عملت ليهم الحلو كله كانت أمه تعمل اي مشكلة عشان امشي واروح بيت اهلي بالشهر وارجع زي الاول واكتر واستحمل عشان ابني تعبت فضل يزن عليا عشان احمل وحملت بعد6سنين من ابني الكبير المشاكل بتزيد يوم بعد يوم وهو زي ماهو أهله دول كلامهم مصدق آخر مشكله بقا تلقيح من اهله وشتيمه وبهدله وهو واقف مش راضي ياخد موقف قولتله انت ماتصلحش تكون زوج وأب سيب البيت وامشي نزل لأمه بقاله 3شهور بيطلع يدي لابني فلوس من ع السلم وينزل أو ممكن يحط الفلوس ع باب الشقه ويخبط وينزل انا مش عارفة اتصرف ازاي.
